Kurd von Berg-Schönfeld

Vun Wikipedia
Zur Navigation springen Zur Suche springen

Karl Ludwig Hermann Kurd Graf von Berg-Schönfeld (* 25. Februar 1856 in Berlin; † 1. Oktober 1923 in Kleptow) weer en düütschen Verwaltungsbeamten.

Von Berg-Schönfeld is 1856 as Söhn von Klara, borene von Olszewska (20. November 1821-23. November 1882), un Karl Ludwig von Berg-Schönfeld (12. Februar 1825-2. April 1900) in Berlin boren. He weer Fideikommissherr op Schönfeld mit Lütten Spegelbarg. He hett Juristeree studeert. Von 1890 bet 1900 weer he as Nafolger von Benno von Niebelschütz Landraad von’n Kreis Gifhorn. Nadem sik von Berg-Schönfeld 1899 as een von de Kanaalrebellen gegen den Bo von’n Middellandkanaal utspraken harr un sik so gegen Willem II. stellt hett, müss he sien Amt as Landraad afgeven un Ludwig von der Wense hett dat Amt övernahmen.

Von Berg-Schönfeld weer denn bet 1903 Regerungsraad in Hannover un von 1903 bet 1905 Polizeidirekter in Kassel. 1905 bet 1909 weer he Polizeipräsident von Hannover.

He weer von 1909 bet 1911 Regerungspräsident von’n Regerungsbezirk Stood un denn von 1911 bet 1917 Regerungspräsident von’n Regerungsbezirk Hannover.

An’n 19. April 1906 hett von Berg-Schönfeld in Rheden Anna-Felizitas von Rheden (4. Mai 1883-15. Oktober 1908) freet. De beiden harrn de Söhns Carl-Ludwig August Graf von Berg-Dewitz (* 22. August 1907) un Karl Ludwig Hans-Hubert von Berg-Schönfeld (11. September 1908-6. August 1968). Na ehren Dood hett he in twete Eh Maria Anna Klothilde Irmgard Johanna Else von Rheden (14. Mai 1888-29. April 1945) freet. De beiden harrn de Kinner Karl-Ludwig Joachim (31. Dezember 1912-10. November 1943), Elisabeth (* 11. Mai 1914), Karl-Ludwig Gerhard (* 13. August 0191) un Ilse (* 25. Mai 1922).

Von Berg-Schönfeld is 1923 bi en Autounfall doodbleven.