Rubinette

Vun Wikipedia
De Appelsort Rubinette an’n Boom

Rubinette (Malus domestica) is en Huusappelsoort, de 1966 as en Tofallssamling ut Golden Delicious un Cox Orange vun Walter Hauenstein in Rafz, Swiez opdeckt worrn is. Op’n Markt keem se dör de Boomschool Hauenstein AG eerstmols 1982.

De Rubinette warrt vör allen vun Direkthännler anboot, de Oorn fangt End vun’n September an, wenn se ok riep is to’n Geneet. Lagert warrn kann de Appel in’n Köhllager bit End vun’n November, in’t CA-Lager bit End vun’n Januar.

De Appel wiest en ungewöhnlich langen Steel op, de Frucht is vergliekswies lütt un hett en licht ruge Schaal. De Grundklöör is gröön-geel, un geiht sünners op de Sünnensiet in’t orangerode mit rostfarven-rode Striepens. Dat Fruchtfleesch vun de Rubinette is fienzellig, middelfast un vun gele Klöör. De Appel is knackig un düchtig saftig. Bi en hogen Zucker- un Süürandeel hett de Rubinette en würzig un togliek intensiv fruchtig Aroma, dat ’n beten an den Cox Orange denken lett.

Kiek ok[ännern | Bornkood ännern]

Borns[ännern | Bornkood ännern]