Roskilde-Festival

Vun Wikipedia
Roskilde-Festival 2003

Dat Roskilde-Festival is en Musikfestival, dat elk Johr Enn Juni/Anfang Juli in de däänsche Stadt Roskilde afhollen warrt. Dat höört to de groten Musikfestivals in Europa. Üm un bi 3000 Künstlers un 170 Bands doot optreden un bet to 115.000 Lüüd köönt op söss Böhnen un 126 Hektar verschedene Musik höörn.

Wat dat Festival an Gewinn maken deit, dat geiht allens an gemeennüttige Organisatschonen so as amnesty international, Dokters ahn Grenzen, Human Rights Watch un annere.

Historie[ännern | Bornkood ännern]

Dat eerste Roskilde-Festival hett dat in’n August 1971 geven. Dat harr do noch den Naam Sound Festival. En Musikagent ut Kopenhagen un ene Grupp ut Gymnasiasten ut Roskilde hebbt dat op de Been stellt. Dat geev ene Böhn op de bi 20 Bands ut de Rebeden Folk, Jazz, Rock un Pop optreden sünd. Dat güng över twee Daag un harr so 10.000 Besökers. Vun wegen den groten Opwand wullen de Gymnasiasten dat dat twete Johr nich wedder maken. Dat Festival wullen de Lüüd aver geern wedder hebben. De Stadtraat vun Roskilde hett de Organisatschoon „Foreningen Roskildefonden“ fraagt, wat se nich dat Festival övernehmen wullen. Dor is sogor extra en Aktiengesellschop för grünnt worrn. 1972 harr dat Festival denn den Naam Fantasy. Dat güng nu över dree Daag un harr bi 15.000 Besökers.

1978 is dat Festival denn wat grötter worrn. De Veranstalters hebbt vun de Firma Revelation Staging de Orange Canopy Scene köfft, wat vun dor an dat Logo vun dat Festival weer. De Orange Canopy Scene is en groot orange Teltplaan, wat al de Rolling Stones op ehre Europatournee as Logo bruukt harrn. Dat geev nu ok dree Böhnen un nu kemen al 36.500 Besökers.

Mit de Tiet weer dat Festival denn ganz bilütten jümmer grötter. In de Johren 1990 müssen se denn de Tall vun Lüüd sogor begrenzen, de na dat Festival kamen dröffen. Tohoop mit Helpers weer de Tall Lüüd nu op üm un bi 125.000 anstegen. 1994 hebbt se dat Stück Land op dat dat Festival weer en ganz Stück vergröttert, so dat dat op twee Sieden vun en Bahnlien leeg un vun 1996 af an geev dat denn en egen Bahnhoff för dat Festival.

2000 denn geev dat an’n 30. Juni bi den Optritt vun Pearl Jam en Unglück. Negen Minschen sünd doodbleven, as de Minschenmass so na vörn drücken dee, dat de Lüüd vörn keen Platz mehr harrn un dooddrückt worrn sünd. Dat Festival güng aver wieder un dat geev ene Gedenkzeremonie mit den Bischop Jan Lindhardt vör de grote Böhn. Later hebbt se dor noch en Gedenksteen mit negen Barken rundrüm opstellt.

In de Johren 2000 hebbt de Veranstalters faststellt, dat de Lüüd al jümmer fröher anreisen doot. Dorüm warrt nu al veer Daag vörher opmaakt un dat gifft in disse Tiet verschedene Veranstaltungen. Ok ene Skatebahn, en Kino un en Baad- un Angelsee hebbt se opboot, de Lüüd wat to beden.

Festivals in verleden Johren[ännern | Bornkood ännern]

Johr Datum Besökers Gruppen un Singers (Utwahl) Ticket-Pries in Kronen
1971 28.-29. August 10.000 Gasolin’, Poul Dissing, Cæsar un Sebastian 30
1972 30. Juni-2. Juli 15.000 The Kinks, Gasolin’, Starfuckers un Gnags 40
1973 29. Juni-1. Juli 15.000 Gasolin' un Røde Mor 40
1974 28.-30. Juni 21.500 Gasolin’, Gnags, Røde Mor, Savage Rose un Status Quo 50
1975 27.-29. Juni 26.000 Ravi Shankar, Gnags un Poul Dissing 55
1976 2.-4. Juli 32.500 Weather Report, Wig Wam un Dr. Hook 60
1977 1.-3. Juli 31.000 The Jack Bruce Band, John Miles un Dr. Feelgood 80
1978 30. Juni-2. Juli 36.500 Bob Marley and The Wailers, Dave Swarbrick & Elvis Costello 100
1979 29. Juni-1. Juli 40.000 Jeff Beck & Stanley Clarke, Talking Heads un Taj Mahal 110
1980 27.-29. Juni 45.000 Santana un Steel Pulse 130
1981 26.-28. Juni 51.500 Ian Dury & The Blockheads, Robert Palmer, UB40 un Saga 150
1982 2.-4. Juli 49.000 U2, Mike Oldfield un Jackson Browne 170
1983 1.-3. Juli 60.600 Simple Minds, C. V. Jørgensen, Lars Lilholt un TV-2 200
1984 29. Juni-1. Juli 62.000 Lou Reed, Paul Young un Björn Afzelius 210
1985 28.-30. Juni 46.000 Leonard Cohen, Paul Young, The Ramones, The Clash un The Cure 240
1986 4.-6. Juli 55.000 Eric Clapton, Metallica, Phil Collins, Madness un Elvis Costello 290
1987 3.-5. Juli 58.700 Iggy Pop, Europe, Van Morrison un Sonic Youth 320
1988 30. Juni-3. Juli 62.100 Sting, INXS, Bryan Adams, Leonard Cohen un TOTO 340
1989 30. Juni-2. Juli 56.300 Elvis Costello, Joe Cocker un Georgia Satellites 390
1990 28. Juni-1. Juli 70.600 Bob Dylan, The Cure, Midnight Oil un Sinéad O’Connor 445
1991 27. Juni-30. Juni 60.500 Iron Maiden, Billy Idol, Iggy Pop un Paul Simon 490
1992 25. Juni-28. Juni 64.500 Nirvana, Megadeth, Texas, Pearl Jam un David Byrne 540
1993 1. Juli-4. Juli 76.500 Red Hot Chili Peppers, Ray Charles un Velvet Underground 540
1994 30. Juni-3. Juli 90.000 Aerosmith, Rage Against The Machine, ZZ Top un Peter Gabriel 540
1995 29. Juni-2. Juli 90.000 R.E.M., Elvis Costello, Van Halen un Oasis 600
1996 27.-30. Juni 90.000 Sex Pistols, David Bowie, No Doubt un Rage Against The Machine 690
1997 26.-29. Juni 90.000 Smashing Pumpkins, Radiohead un Nick Cave and The Bad Seeds 750
1998 25.-28. Juni 76.000 Beastie Boys, Bob Dylan, Kylie Minogue un Kraftwerk 810
1999 1.-4. Juli 71.000 R.E.M., Metallica, Robbie Williams un Marilyn Manson 810
2000 25. Juni-2. Juli 76.000 Lou Reed, Pearl Jam, Iron Maiden un Pet Shop Boys 860
2001 24. Juni-1. Juli 64.000 Robbie Williams, Bob Dylan un Nick Cave and The Bad Seeds 860
2002 23.-30. Juni 72.000 Red Hot Chili Peppers, Rammstein un Pet Shop Boys 950
2003 22.-29. Juni 77.000 Björk, Metallica, Coldplay, Blur un Iron Maiden 1150
2004 27. Juni-4. Juli 76.000 Santana, KoЯn, Wu-Tang Clan un Iggy Pop 1150
2005 26. Juni-3. Juli 65.000 Black Sabbath, Green Day, Duran Duran, The Game un Brian Wilson 1250
2006 25. Juni-2. Juli 79.000 Bob Dylan, Guns N’ Roses, Tool, Kanye West un Roger Waters 1350
2007 1.-8. Juli 75.000 Red Hot Chili Peppers, The Who, Muse, Beastie Boys un Björk 1475
2008 3.-6. Juli 67.000 Radiohead, Slayer, Jay-Z, Judas Priest, Neil Young, The Chemical Brothers, The Streets un Kate Nash 1789
2009 2.-5. Juli 67.400 Nick Cave and The Bad Seeds, Coldplay, Faith No More, Oasis, Pet Shop Boys, Slipknot, Nine Inch Nails un Kanye West 1785
2010 1.-4. Juli 75.000 Gorillaz, Jack Johnson, Muse, Prince, The Prodigy, Patti Smith and Band, Them Crooked Vultures un Nephew 1675
2011 30.Juni-3. Juli 75.000 Iron Maiden, Kings of Leon, Arctic Monkeys, Mastodon, PJ Harvey, M.I.A. un The Strokes 1800
2012 5.-8. Juli The Cure, Bon Iver, Mew, Bruce Springsteen, Jack White, The Cult, Björk, Ruben Blades un The Roots 1810

Böhnen[ännern | Bornkood ännern]

Konzert op de Roskilde-Arena-Böhn

Dat Festival hett vundaag söss Böhnen.

Naam Platz för woveel Lüüd Musikgenre
Orange Scene 60.000 Rock, Pop, Heavy Metal
Roskilde Arena 17.000 Allens
Roskilde Odeon 5.000 Hard Rock, Alternative Rock
Roskilde Cosmopol 6.000 elektroonsche Musik, HipHop, R’n’B
Roskilde Astoria ? Club-Musik
Roskilde Pavilion 2.000 Rock

Weblenken[ännern | Bornkood ännern]