Peter Gabriel

Vun Wikipedia
Gabriel in dat Johr 2011
Peter Gabriel 2004 bi en Konzert mit Tony Levin (links) un David Rhodes (rechts)

Peter Brian Gabriel (* 13. Februar 1950 in Chobham, Surrey Heath) is en britisch Musiker un Video-Künstler. Bekannt wurr he in de fröh 1970er Johren as Frontmann un Grünnensliddmaat vun den dormalige Progressive-Rock-Band Genesis.

Nah sien Weggang vun Genesis in' Harvst 1975 hett he en spoodriek Solokarriere anfungen. De Swoorpunkt leeg up de Produktschoon un Fördern vun Weltmusik, sowohl sien eegen Musik aber ok de vun anner Künstler bedrapend. Todem nehm he en Vörriederull in den Beriek vun de digital bearbeit Musik in. Sien Musik, en nich klar intoordnen Mischung ut Pop un Rock mit progressiven Elementen un düütlich Inflooten vun de Weltmusik, stell he upwännig in spektakulär Videos un konzeptschonell anleggt Liveshows dar.

Peter Gabriel sett sück för Minschenrechte in, ünner annern bi Amnesty International un de vun hüm mitgrünnd Minschenrechtsorganisatschoon Witness.[1]

1967–1975: Genesis[ännern | Bornkood ännern]

Gabriel as „Britannia“ (Dancing With The Moonlit Knight), 1974

1967 hett Gabriel wiels sien Schooltiet an de Charterhouse School mit sien Mitschölern Tony Banks, Anthony Phillips, Mike Rutherford un Slagtüüchspeler Chris Stewart de Band Genesis grünnd. De Bandnaam weer en Vörslag vun Jonathan King, de dat eerste Album From Genesis to Revelation produzeert hett. As Singer funn Gabriel Inspiratschoon bi Nina Simone un Otis Redding.

Dör de wenig begäng Bühnenpräsenz vun Gabriel kreeg de Band groot Upsehn in de internatschonale Musikszene. He is in tallriek bizarren Kostümen uptreeden un hett de Songs mit sarkastischen, dröömoordigen Geschichten inleit. To sien bekanntst Verkleedungen tellen „The Flower“ un „Magog“ (Supper’s Ready), „Britannia“ (Dancing With The Moonlit Knight), „The Old Man“ (The Musical Box) un „Rael“ as ok „The Slipperman“ för dat Konzeptalbum The Lamb Lies Down on Broadway. To de dormalig Besetten vun Genesis hörrn neben den Bassisten un Gitarristen Mike Rutherford as ok den Keyboarder Tony Banks de Gitarrist Steve Hackett un de Slagtüüchspeler Phil Collins, de 1975 nah den Utstieg vun Gabriel de sien Posten as Frontmann övernehm. Wiels sück de Band mit dat Album The Lamb Lies Down On Broadway up Welttournee befunn, hett sück Gabriel entslooten, de Band nah dat letzt Konzert to verlaaten. Sien Entscheeden wurr ünner annern dör musikalische Differenzen mit sien Mitmusikern un de problematisch verloopen Gebort vun sien Dochter Anna beinfloot. De Trennung vun de Band hett he twee Johr later mit den Song Solsbury Hill verarbeit.

1975–1976: Vörbereiten up de Solokarriere[ännern | Bornkood ännern]

Nah sien Utstieg hett Gabriel eerst mal en Uttiet nommen un verbroch völ Tiet mit de Sülvstutforschen un dat Betrachten vun sien eegen Ween as ok dat Klaveerspeel, Yoga, den Anbau vun Gemüüs un nich toletzt mit sien Familie. 1976 nehm he ünner Mitwirken vun sien fröheren Mitstrieder Phillips, Rutherford un Collins eerste Demos för en Soloalbum up un later in't Johr fungen den de Upnahmen in de USA an.

1977–1985: Peter Gabriel I–IV[ännern | Bornkood ännern]

1977 keem dat schlicht „Peter Gabriel“ betitelte Debüt herut, dat vun Bob Ezrin produzeert wurr. Dat Album is en Sammelsurium vun bannig verscheeden Stile un enthollt den eersten grooten Hit vun Gabriel, Solsbury Hill. In' Grooten un Ganzen tofräe mit dat Album, hollt Gabriel den Song Here Comes The Flood nahderhen aber för överproduzeert. To Anfang hett sück Gabriel wiegert, sien Alben mit Titeln to versehn, woruphen Fans un Presse de eerst dree Alben mit den inoffiziellen Naamsgeeven Car, Scratch un Melt vunnanner ünnerscheeden. Sien veert Album, dat in England weer blots mit de Naam vun den Künstler versehn weer, wurr in den USA ünner den Titel Security herutbrocht.

För sien tweet, 1978 rutbrocht Album hett Gabriel mit den King-Crimson-Gitarristen Robert Fripp as Produzent tosommenarbeit. Dat weer wesentlich düsterer un experimenteller as sien Vörgänger un harr eenig utfielt Kompositschonen, aber kien Hit. Den Song Exposure schreev Gabriel tosommen mit Robert Fripp. 1979 hemm de beid denn för Fripp sien Album Exposure den Song Here Comes The Flood in en nee Version upnommen. Latere Versionen vun dat Stück, to finnen etwa up de düütsch Utgaav vun de Maxisingle Biko (as Jetzt kommt die Flut, 1980), up de Kompilatschoon Shaking The Tree (1990) un up de Live-DVD Growing Up van 2003, weer sporsamer instrumenteert.

Gabriel in Oslo, 1978

Dat 1980 rutbrocht dart Album enthollt de Hitsingles Games Without Frontiers un Biko. Upfällig an dat Album is de gewagte Produktschoon, bi de völ wenig begäng un bahnbreekend Upnahmemethoden un Effekte insett wurrn. So wurr hier to'n eersten Mal der in de 1980er Johren anseggt Gated-Reverb-Slagtüüchsound insett, de sien Wirkung ut en mächtigen Hall mit abrupt afrieten Hallfahn betreckt. Up Wunsch vun Gabriel hen hemm de Slagtüüchspeler up dit Album kien Becken bruukt; Phil Collins speel bi den Song Intruder en eenfack Pattern, dat Gabriel un sien Toningenieur Hugh Padgham noog Ruum för Klangexperimente leet, de to den baben angeven Effekt führn deen. Later wurr disse Drumsound dör Collins sien Hitsingle In the Air Tonight weltberühmt. Doröver herut weer „Melt“, as dat Album in Anspeelen up de Covergrafik (Gabriel sien wegflooten Gesicht) ok nömmt wurr, de eerste offiziell verapenlicht Toondräger överhoopt, up den mit den Fairlight CMI ei Sampler to hören is.

För sien dart Album hett Gabriel verscheeden natschonalen Döchtern vun sien Plattenfirma anboden, dat Album komplett ok in de jewielig Landsspraak up den Markt to bringen. Aber blots de düütsche weer doran interesseert. Wegen den ünnerscheedlichen Spraakrhythmus wurr dat Album för de düütsch Version komplett nee upnommen (Text un Musik) un afmischt, dat keem denn ünner Ein deutsches Album herut. De düütsch Texte hett Horst Königstein bistüert, de ünner annern ok Leedtexte för Udo Lindenberg schreven hett.

In beschwerlichen un tietwies ergevnislos Upnahmesessions up sien ländlich Anwesen in England entstunn tüschen 1981 un 1982 dat veerte Album vun Gabriel, bi dat he sülvst neben David Lord Koproduzent weer. Up dit Wark, dat in den USA ünner de Naam Security rutbrocht wurr, hett Gabriel den Fairlight in wiet starker Maat insett as up de vörherig Produktschoon. He hett en Völtall vun sampelt Klängen mit Percussion-Elementen ut nichtwestlichen Kulturkreisen un annern wenig begäng Instrumenten bruukt, um en ümfaaten nee Klangwelt to schaffen. Trotz de eegenoordig Sound, de ungewöhnlichen Instrumente un de tomeest düsteren Texte hett sück dat Album good verköfft un harr mit dat Stück Shock The Monkey ok en Hit, to de för de dormalige Tiet in puncto Upnahmetechnik bahnbreekend Video dreiht wurr. Ok vun dit Album geev dat en düütsch Version.

To jeder vun disse veer Alben hett Gabriel Touren maakt, wobi he de ok all bi Genesis vun hüm upwändig gestalt Bühnenshow wieder utbauen dee. So hett he kunstvull Requisiten bruukt, in Kombinatschoon mit utfielt Showeinlagen, bi de he sück to'n Bispeel vun Gerüsten ut feee över de Bühne hangen leet, mit Hülp vun Spegels un Fresnel-Linsen optisch verzerren dee as ok Kostüme un Make-up droog. Bi de eerst Tourneen nehm Gabriel gelegentlich ok Genesis-Songs in dat Programm up. För en Tournee leet sück de ganze Band kahl raseeren. Wiels sienTour 1982/83, de dör dat Album Plays Live dokumenteert wurr, is Gabriel ok as Opening Act vun David Bowie uptreeden un muss sück vörsmieten laaten, dat he wegen sien komplexen Bühnenshow de Konzerte vun Bowie in den Schatten stellen dee.

1985 keem Gabriel sien Soundtrack to Alan Parker sien Film Birdy nah den glieknamigen Roman vun William Wharton herut. För dat atmosphärische, rein instrumentale Werk hett de Musiker deelwies Stücke vun sien dart un veert Album nochmal bruukt.

1986–1994: De groot Erfolge[ännern | Bornkood ännern]

Bit dorhen vun sien meest Kritikern dörgahn wohlwullend upnommen un mit eenigen Hits dorbi, hett Gabriel dat in hüm staken Verwachten sluutend mehr as inlööst, as he 1986 mit dat Album So en bannig grooten Spood harr. Dat Wark enthull ünner annern de mit sexuellen Anspeelen gespickte Single-Utkopplung Sledgehammer, mit de he sien Ex-Kollegen vun Genesis un deren Hit Invisible Touch vun den eersten Platz vun de US-Charts verdrängen dee, dat satirische Big Time, de in' Duett mit Kate Bush insungen Ballade Don’t Give Up över Vertiefeln un Haapen angesichts vun Arbeitslosigkeit as ok dat Leevleed In Your Eyes, dat later för den Soundtrack vun den Film Teen Lover bruukt wurr.

Gabriel hett dat Album So mit den Kanadier Daniel Lanois pruduzeert, de ok för sien Arbeit mit U2 bekannt is. To Sledgehammer wurr in Tosommenarbeit mit den Speelbaas Regisseur Stephen R. Johnson en bannig upwännig Video dreiht, dat tallriek Pries bi den MTV Video Awards 1987 wunn. Dat Video hett nee Standards in de Musikindustrie sett, ebenso as dat Video to Big Time, bi dat völlig nee Animatschonen un Spezialeffekte insett wurrn.

He hett sien eegenLabel Real World Records grünnd, de sien eerste Utgaav 1989 de Soundtrack Passion för Martin Scorsese sien Film Die letzte Versuchung Christi weer. Dat Video to dat Album wurr vun Stefan Roloff maakt. Dat Wark wurrd vun Kritikern as Hööchtpunkt in in dat Schaffen vun Gabriel in den Beriek vun de Weltmusik ansehn un broch den Musiker en Grammy as ok en Golden-Globe-Nomineeren in. Todem wurr de Musik vun dat Album in dat düütsch Feernsehn gern un faken to dat Ünnermalen vun TV-Dokus över exotische Schauplätze insett.

1992 keem sien nächst Studioalbum Us herut, dat ebenfalls mit Daniel Lanois as Koproduzent upnommen wurr. Dat Album befaat sück mit de persönlichen Problemen vun Gabriel vun de letzt Johren, de Scheeden vun sien eerste Ehe un de Distanz to sien eerst Dochter. Ok to Digging In The Dirt wurr en bannig upwännig Video dreiht, dat wiest, wu Gabriel vun Würms upfreeten wurrd. Dat Stück hannelt vun en binneren Dämonen, de sück Bahn to breeken versöcht. Wedder mal wurrn mit dit Video nee Maatstaffen sett. De Bemöhen, sück sien Dochter weer nahder to kommen, hett Gabriel in dat Stück Come Talk To Me verarbeit, bi dat Sinéad O’Connor singend mitwarkt hett.

Us kunn nich ganz an den gewaltigen Spood vun So anknütten, dennoch gung Gabriel mit en wiedere utfielt Bühnenshow up Welttournee, de up en eckigen un en rund Bühne upführt wurr. Beid Bühnen weern dör en Steg verbunnen, de ünner annern mit en Boot befohren wurr. Utfallen Requisiten weern buterdem de Telefonzell bi Come Talk To Me oder de an den Kopp vun Gabriel fast maakt Gesichtskamera wiels Digging In The Dirt. En Konzertmitschnitt wurr as Secret World Live up VHS un CD, later ok up DVD, herutbrocht.

To Anfang vun de 1990er Johren hett Gabriel ok de multimediale CD-ROM Xplora herutbrocht, de aber up modern Bedrievssystemen nich mehr bruukt wurrn kann.

siet 1995: Up, de Millennium Show un anner diverse Projekte[ännern | Bornkood ännern]

1996 wurr de CD-ROM EVE produzeert un in dat folgen Johr herutbrocht. Veer Musikstücke vun Peter Gabriel markeeren de veer Ebenen vun dat Speel: Mud, The Garden, Profit, Art and Nature.

Frö de Millennium Show, de 2000 in London upführt wurr, entwickel Gabriel de musikalische Ünnermalen mit den Titel OVO. 2002 keem sien Soundtrack Long Walk Home för den austraalschen Film Rabbit-Proof Fence (dt. Feernsehtitel: „Der lange Weg nach Hause“). Ok för disse Filmmusik kreeg he en Golden-Globe-Nomineeren.

Teihn Johr nah Us keem in' September 2002 sien bither längst Studioalbum Up herut, dat vun Gabriel gröttstendeels sülvst produzeert wurr un klanglich an den ehrder unkommerziellen düsteren Sound vun de eerst Gabriel-Alben ut de 1970er un 1980er Johren erinnert. Dat wiest ok Gabriel sien kompositorschen Freeruum in dat Arrangement vun de Stücke, de bit up de Pianoballade The Drop nich kört as söss Minüüt sünd. De meest Stücke sünd nich linear konzipeert un dörloopen musikalisch as thematisch bannig dynamische Parts.

Ok to dit Album hett Gabriel weer en Live-Konzept för en Tournee entwickelt, bi de ditmal en bewegliche Rundbühne insett wurr. So beweg sück Gabriel in en dörsichtigen, upblasbaren Ball över de Bühne (Growing Up), is mit Fohrrad fohren(Solsbury Hill), droog en mit Lampen bestückt Jacke (Sledgehammer) oder leep koppöver an de Deckenkonstruktschoon de Bühne entlang (Downside Up). To den Titel The Barry Williams Show wurr en Talkshow inszeneert, de mit echt wirken Bildfehlern ok up de „Growing Up Live“-DVD van 2003 to sehn is. En wiedere DVD ünner den Titel Still Growing Up Live & Unwrapped (2005) wiest en ähnlich Konzert mit afspeckt Bühnenshow. To sien Liveband hörr ok sien Dochter Melanie as Singersche.

Peter Gabriel bi de Quadriga-Verleehn, 2008

Siet 2003 arbeit Gabriel mit de Speelentwicklern Cyan Worlds un Ubisoft tosommen, för deren Speele he de Begleitmusik bidragen deiht. Dat Speel Uru: Ages Beyond Myst van 2003 beinhalt in mehreren Afsnitten den Song Burn You Up, Burn You Down. Dat Stück weer oorsprünglich up en Promo-CD vun Up enthollen, wurr aber för de endgültige Version vun dat Album streeken. Bi dat Speel is dat in en Remix mit den Blind Boys of Alabama enthollen, de ok up den Song Sky Blue vun Up to hörrn weer. För dat 2004 herutkommen Myst IV – Revelation stüer Gabriel en Neeupnahm vun den Song Curtains bi un övernehm en lütt Snackerrull.

För de Football-Weltmeesterschap 2006 in Düütschland sull Peter Gabriel ünner de Gesamtleitung vun André Heller de Eröffnungszeremonie bi dat eerst Speel in München musikalisch organiseeren un leiten. As he dorför all twee Songs schreev, wurr dat Projekt vun de FIFA wegen fehlen Interesse un finanzieller Erwägungen streeken.

An' 10. Februar 2006 wark he dorgegen bi de Eröffnung vun de Olympisch Winterspelen in Turin mit. Nah Ankünnigen dör Yoko Ono, de Wittfru vun John Lennon, hett he de sien Song un Freedensappell Imagine sungen.

In' Sömmer 2007 gung Gabriel, ahn en nee Album rutbrocht to hemm, weer up Tournee. In' Toog vun de „The Warm Up Tour Summer 07“ wull he vermehrt Live-Raritäten in de Setlist upnehmen un hett de up sien Websteed inschreeven Fans dorto uproopen, ut en List vun selten speelt Leeder hör Top 10 uptostellen. En Tour-Daagbook up sien Websteed, dat de aktuellen Tourvörbereiten dokumenteeren dde, geev Inblicke in de mögelke Songutwahl wiels de Tour. De Live-Band hett sück nich wesentlich vun de vun de Tournee 2002–2004 ünnerscheede. Blots de Keyboarderin Rachel Z, de ut Termingrünnen de Tour nich begleiten kunn, wurr dör de Schottin Angie Pollock ersett.

In den Afspann vun den Animatschoonsfilm WALL·E – Der Letzte räumt die Erde auf (Pixar Animation Studios, 2008) is de Song Down To Earth to hören, för den Gabriel 2009 sien sössten Grammy as ok en Oscarnomineeren kreeg.

2009 hett Gabriel en Tour dör Latienamerika maakt un hett 2010 sien Projekt Scratch My Back rutbrocht. Dat Album enthollt orchestral inspeelt Coverversionen vun bekannt un weniger bekannt Musiker/Bands.

An' 7. Oktober 2011 keem sien Wark New Blood up den Markt, dat as Fortführung vun Scratch My Back betekent wurrn kann, allerdings mit den Ünnerscheed, dat sück dat um Neeinterpretatschonen vun eegen Songs hannelt. Tietgliek geev dat ok en DVD mit den Titel New Blood/Live in London. In utwählt Kinos mit digitaler 3D Projektschoon keem dat Enn' August un in' September to Upführungen vun den Konzertfilm New Blood in 3D.[2]

Wiels sien „Back to Front“ betitelt Tournee, de hüm in' September/Oktober 2012 dör Nordamerika führ, nehm sück Gabriel en Uttiet. Dat amerikaansch Musikmagazin Rolling Stone hett he verklort, dat he „en Sabbatjohr mit sien Familie“ nehmen wull.[3] An' 29. September 2013 funn dat eerste Konzert vun de europääsch „Back To Front“-Tour in dat däänsch Herning statt, dat letzte Konzert an' 10. Dezember 2014 in Dublin, Irland.[4][5]

An' 9. September 2016 wurr de Single "The Veil" herutbrocht, de Peter Gabriel tosommen mit Oliver Stone för den Film Snowden utarbeit hett.[6]

== WOMAD, Real World un anner Projekte ==

Dat groot Interesse vun Gabriel an Weltmusik siet sien dart Album leet hüm dat Projekt WOMAD (World of Music, Arts and Dance) in't Leven ropen, bi dat Musik, Kunst un Danz ut verscheeden Kulturen upführt wurrn. Dat eerste WOMAD-Festival funn 1982 in Shepton Mallett, England statt. Bit hüüd sünd rund 145 Veranstaltungen in 22 verscheeden Länner nahfolgt.

Enn' vun de 1980er Johren hett Gabriel de an sien glieknamig Plattenlabel koppelt Real World Studios grünnd, um unbekannte Künstler ut frömd Kulturen in de Musik vun de westlich Kultur to integreeren. De Studios befinnen sück in en old Möhlen in dat Dörp Box in de Grafschap Wiltshire un deenen Musikern ut de ganze Welt as Sprungbrett, um hör Musik in Rebeeden un Kulturen to bringen, de se sülvst nich ersluuten können, besünner in den USA, in de Musik ut Afrika, Asien un Latienamerika selten över de gängigen Sender verbreedt wurr. Bekannt wurrn sünd dordör Musiker as Yungchen Lhamo, Nusrat Fateh Ali Khan un Youssou N’Dour.

Gabriel weer ok en vun de Grünner vun dat On Demand Distribution (OD2), dat eerste Online-Download-Portal för Musik. Disse Technologie wurr later vun de finnisch Firma Nokia upköfft un wurrd hüüd noch vun Microsoft MSN in England bruukt.

2005 hett Gabriel den britischen Hersteller vun Audiomischpulten, Solid State Logic (SSL) köfft, de wiederhen as eegenständig Ünnernehmen führt wurrn sall.[7]

Amnesty, Minschenrechte, Benefizaktschonen[ännern | Bornkood ännern]

Gabriel is immer för dat Erhollen un Verbreeden vun de Minschenrechte intreeden.

1986 un 1988 hett he Amnesty International up de Benefizkonzerten „A Conspiracy of Hope“ un up de „Human Rights Now“-Tour in' Team mit Bruce Springsteen, Sting, Tracy Chapman un Youssou N’Dour ünnerstütt.

1992 weer he Mitbegrünner vun den Minschenrechtsorganisatschoon Witness, de to de Dokumentatschoon vun Minschenrechtsverletzungen weltwiet Aktivisten mit Kameras utrüst, so dat Filme un Fotos as Bewiesmiddel vör Gericht insett wurrn könnt.

Mehr as dartig Johr nah sien Mitwiaken up de sien Album Mona Bone Jakon is Gabriel 2003 mit Cat Stevens bi dat Nelson Mandela-Benefiz-Konzert „46664“ in Johannesburg uptreeden. De beid Musiker hemm tosommen den Cat-Stevens-Hit Wild World speelt

Begleitmusiker un Mitwarkende[ännern | Bornkood ännern]

Ok wenn de tietlich Afstandf vun de Verapenlichungen vun Gabriel immer grötter wurrn is, is sien Crew vun Musikern und Technikern in den letzt Johren relativ konstant bleeven.

Bassist Tony Levin hörrt siet 1976 to de fast Live- un Studiobesetten, de Gitarrist David Rhodes is siet 1979 up jede Album un siet 1983 up jede Tournee to hören. Gabriel is bekannt för de Utwahl vun herutragen Musiker as L. Shankar, Youssou N’Dour, Tracy Chapman, Larry Fast, Manu Katché un Stewart Copeland as ok professionell Produzenten as Bob Ezrin, Robert Fripp, Steve Lillywhite un Daniel Lanois.

Över de Johren weg hett Gabriel mehrfack mit de Singersche Kate Bush tosommenarbeit. Bi en Kate-Bush-Fernsehspecial van 1979 sungen de beid in' Duett en Cover vun Roy Harper sien Another Day. Ansluutend war Bush 1980 bi de Gabriel-Stücken Games Without Frontiers un No Self Control as Backgroundsingersche mit. 1986 keem dat mit Don’t Give Up to en wieder Duett.

För den Soundtrack vun „Schweinchen Babe in der großen Stadt“ weer Gabriel utnahmswies mal nich de Komponist sonnern Singer vun den Titel That’ll Do vun Randy Newman. 1998 sünd Gabriel un Newman bi den Academy Awards uptreeden.

Siet 2010 arbeit Gabriel mit den Komponisten John Metcalfe, en fröher Liddmaat vun The Durutti Column, tosommen. Metcalfe övernehm ünner annern de Orchester-Arrangements för Gabriel sien Album Scratch My Back.

Mögelk Genesis-Reunion[ännern | Bornkood ännern]

Siet 2004 gifft dat regelmatig Scackeree över en Genesis-Reunion in Fieverbesetten. 2005 un 2006 hett sück Gabriel mit den Genesis-Liddmaaten Collins, Banks un Rutherford drapen, um en mögelk Reunion-Tournee mit gemeensam Wedderupführen vun The Lamb Lies Down On Broadway zu besnacken. Ut Tietgrünnen hett Gabriel aber aflehnt un Genesis hett sück dorför entscheed, ahn hüm up Tour to gahn. En Reunion mit Gabriel wurrd för de Tokunft nich komplett utslooten, is aber ok nich düchtig wohrschienlich. Vun dat britisch Daagblatt The Daily Telegraph[8] in' Juni 2008 dorto noch mal befraagt, hett Gabriel seggt: „Dat is as mit eegen Kinner. Egal, wu wiet man sück vunnanner weg entwickelt, man leevt hör wieder“, mit en Knippoog „… an en gooden Dag!“ En kört gemeensam Performance to'n Anlaat vun de Upnahm vun Genesis in de Rock and Roll Hall of Fame in' März 2010 hett he tegenöver den Rolling Stone[9] liekers utslooten: „Sowiet ik weet, weer ik definitiv nich singen. Bi uns letzt Reunion hebb ik lehrt, dat man dor nich so eenfack hengahn kann. Man moot vörher proben.“

De klassische Genesis-Besetten is toletzt 1982 uptreeden. Dormals weern de ehmalgen Bandkollegen Gabriel to Hülp kommen, de sück wegen dat WOMAD-Projekts finanziell jüst nich good dorstunn. Toletzt wurr för en Genesis-Hits-Album en nee Version vun den Song The Carpet Crawlers (1999) upnommen, up de ok Gabriel sungen hett. För de nahderhen herutbrocht Liveversionen vun The Lamb Lies Down on Broadway un de Suite Supper’s Ready hett Gabriel todem eenig Stellen komplett nee insungen.

Persönliches[ännern | Bornkood ännern]

Peter Gabriel hett twee Döchter ut sien eerst Ehe mit Jill Moore, Anna-Marie (* 26. Juli 1974) un Melanie (* 23. August 1976). Melanie hörr as Background-Singerin to sien Liveband vun de „Growing Up Live“-Tour, de „Still Growing Up“-Tour un de „Warm Up Tour Summer ’07“. Anna-Marie hett en Dokumentarfilm to de „Growing Up“ Tour 2002 maakt, de 2004 as DVD mit den Titel „Growing Up On Tour – A family portrait“ up den Markt keem.

Mit sien tweet Fru Meabh Flynn hett Gabriel twee Söhns, Isaac Ralph (* 27. September 2001) un Luc (* 5. Juli 2008).

Tourneen[ännern | Bornkood ännern]

Back To Front Tour 2014 in de Frankforter Festhall

Siet 1977 geiht Peter Gabriel nah dat Herutbringen vun en nee Studioalbum regelmatig up Tournee. De Besetten vun sien Band wurr sietdem fakender umstellt; blots Tony Levin is as Bassist siet 1977 dorbi; siet Anfang vun de 1980er Johren is ok Gitarrist David Rhodes, de van 1977 bit 1980 bi de Band Random Hold (Vörgrupp vun Peter Gabriel up de 1980er-Tournee) speelt hett, fast Bestanddeel vun de Live-Band.

1977

Eerste Tournee

Tweet Tournee

  • Gitarr: Sid McGinnis
  • Bass: Tony Levin
  • Keyboard: Bayete
  • Slagtüüch: Jerry Marotta

1978 / 1979 Slash Tour

  • Gitarr: Sid McGinnis
  • Bass: Tony Levin
  • Keyboard: Larry Fast
  • Keyboard, Saxophon: Timmy Capello
  • Slagtüüch: Jerry Marotta

1980 China 1984 Tour

  • Gitarr: John Ellis
  • Bass: Tony Levin, John Giblin
  • Keyboard: Larry Fast
  • Slagtüüch: Jerry Marotta

1982 / 1983 Playtime 1988 Tour

 Slagtüüch, Perkussion: Jerry Marotta

1986 / 1987 This Way Up Tour

1988 Conspiracy of Hope Tour

  • Gitarr: David Rhodes
  • Bass: Tony Levin
  • Keyboard: David Sancious
  • Slagtüüch: Manu Katché
  • Vigelien: L. Shankar

1993 Secret World Tour

  • Gitarr: David Rhodes
  • Bass: Tony Levin
  • Keyboard: Joy Askew (af August ’93: Jean-Claude Naimro)
  • Slagtüüch: Manu Katché
  • Vigelien: L. Shankar
  • Gesang: Paula Cole, Joy Askew
  • Duduk: Lévon Minassian

2002 / 2003 Growing Up Tour

2004 Still Growing Up Tour

  • Gitarr: David Rhodes
  • Bass: Tony Levin
  • Keyboard: Rachel Z
  • Slagtüüch: Ged Lynch
  • Gitarr, Mandoline, Flöte: Richard Evans
  • Gesang: Melanie Gabriel
  • Duduk: Levón Menassian

2007 The Warm Up Tour Summer 07

  • Gitarr: David Rhodes
  • Bass: Tony Levin
  • Keyboard: Angie Pollock
  • Slagtüüch: Ged Lynch
  • Gitarr, Mandoline, Flöte: Richard Evans
  • Gesang: Melanie Gabriel

2009 Lateinamerika Tour 2009

  • Gitarr: David Rhodes
  • Bass: Tony Levin
  • Keyboard: Angie Pollock
  • Slagtüüch: Ged Lynch
  • Gitarr, Mandoline, Flöte: Richard Evans
  • Gesang: Melanie Gabriel

2010 The New Blood Tour Orchestra, no drums, no guitars

  • The New Blood Orchestra
  • Dirigent: Ben Foster
  • Gesang: Melanie Gabriel, Ane Brun

2012–2014 Back To Front Tour

  • Gitarr: David Rhodes
  • Bass: Tony Levin
  • Keyboard: David Sancious
  • Slagtüüch: Manu Katché
  • Gesang: Jennie Abrahamson & Linnea Olsson

Pries un Utteknungen[ännern | Bornkood ännern]


Literatur[ännern | Bornkood ännern]

  • Spencer Bright: Peter Gabriel, An authorised biography. London 1989.
  • Kai U. Jürgens: Der Fremde in mir. Peter Gabriel 1977–1982. In: AufAbwegen – Magazin für Musik und Kultur. Nr. 35, Köln 2005.
  • Alexander Kopp: Ein Hit und sein Videoclip: Peter Gabriel's „Digging in the dirt“. In: Gisela Nauck (Hrsg.): Positionen 18 – Beiträge zur Neuen Musik, Berlin 1994, S. 25 ff.
  • Silke Riemann: Die Inszenierung von Popmusikern als Popstars in Videoclips: eine Untersuchung anhand der Videoclip-Kompilationen „US“ – Peter Gabriel (1993), „HIStory“ – Michael Jackson (1995) und „Greatest Flix II“ – Queen (1991). Berlin 1998.
  • Jürgen Seibold: Peter Gabriel. Rastatt 1991.

Enkeld Nahwiesen[ännern | Bornkood ännern]

  1. Peter Gabriel: Profile on TED.com, 29. Juli 2009, vun ted.com (engelsch)
  2. newssquared.de
  3. Peter Gabriel Reflects on His 1986 Landmark Album 'So', Herutgever: Rolling Stone van' 4. September 2012, afropen an' 13. September 2012 (engelsch)
  4. petergabriel.com – Live afropen an' 14. Oktober 2013}
  5. petergabriel.com
  6. Manon Steiner: [https://www.rollingstone.de/peter-gabriel-veroeffentlicht-the-veil-fuer-und-ueber-edward-snowden-1121411/ Peter Gabriel veröffentlicht „The Veil“ – für und über Edward Snowden, van 8. September 2016, afropen an' 23. September 2016
  7. lepetitmartien:SSL bought by Peter Gabriel van' 16. Juni 2005, afropen an' 29. Juli 2009 (engelsch)
  8. Neil McCormick: Peter Gabriel: rejoin Genesis? Don't rule it out van 22. August 2008, afropen an' 29. Juli 2009, The Telegraph (engelsch)
  9. Andy Greene: Peter Gabriel Says He Won’t Reunite With Genesis at Rock Hall Induction van 21. Januar 2010, rollingstone.com (engelsch)
  10. Frank Patalong: [http://www.spiegel.de/netzwelt/web/ausgezeichnet-wikipedia-erhaelt-preis-fuer-verdienste-um-die-aufklaerung-a-573198.html Wikipedia erhält Preis für Verdienste um die Aufklärung, Spiegel Online, van 20. August 2008, afropen an' 29. Juli 2009}}
  11. Peter Gabriel named Ambassador of Conscience van' 13. September 2012, amnesty.org (engelsch)
  12. Peter Gabriel up rockhall.com.

Weblenken[ännern | Bornkood ännern]

Peter Gabriel. Mehr Biller, Videos oder Audiodateien to’t Thema gifft dat bi Wikimedia Commons.