Roman Slobodjan
Roman Slobodjan (* 1. Januar 1975 in Potsdam) is en düütsch Schachspeler.
Slobodjan hett de Schachregeln mit söss Johren vun sien Vader lehrt. Traineert wurr he in de 1980er Johren in en Schachklub in de ukrainsch Stadt Kolomyja. Bit 1991 hörr he den sowjeetschen Schachverband an. He hett tweemal de düütsch U20-Jöögdmeesterschap (1992 in Augsborg[2] un 1994 in Herborn[3]) wunnen, bevör he 1995 in Halle Junioren-Weltmeester U20 wurr.[4] In dat glieker Johr deel he sück bi de Düütsch Meesterschap in Binz/Rügen mit Arno Zude, Philipp Schlosser, Christopher Lutz un Matthias Wahls den eersten Platz vör Klaus Bischoff, den Steekkamp um den Meestertitel wunn denn aber Christopher Lutz. Buterdem kunn he 1995 in Altensteig dat 4. Credis IM-Jugendturnier Altensteig '95 winnen.[5]
1993 kreeg he vun den Weltschachbund (FIDE) den Titel Internatschonaler Meester un 1996 den Titel Grootmeester tospraaken.[6] Sien bit jetzt hööchste Elo-Tall van 2575 hett he in’n Juli 1998 reckt.
1997 nehm he an de eerstmals utricht KO-Weltmeesterschap in Grunneng deel, bi de he in de eerst Runn Péter Lékó slahn kunn, aber in de tweet gegen Surab Asmaiparaschwili ünnerlegen weer. 1998 wurr he bi dat Open vun Arco deelt Eerster, wat hüm 1999 ok in Berlin un in Lippstadt gelung. Bi de Düütsch Eenzelmeesterschap 1999 in Altenkirchen keem he up den veerten Platz. 2000 wunn he dat Open vun Leutersdorf, 2004 dat Premier-Turnier in Havanna.
In de de düütsch Schachbundsliga speel he in de Saison 1996/97 un van 1998 bit 2001 för den USC Magdeburg, in de Saison 2002/03 för de Schachfreunde Neukölln, in de Saison 2006/07 för den SC Bann, in de Saison dorup bi den TSV Bindlach un in de Saison 2010/11 för den ESV Nickelhütte Aue. In Frankriek speel Slobodjan för Bischwiller. He leevt in Meideborg.
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ 71. Deutsche Schacheinzelmeisterschaft vom 11. bis 20. November 1999 in Altenkirchen (Westerwald)
- ↑ Deutsche Schachjugend: 46. Deutsche Meisterschaft U20, Augsburg 1992
- ↑ Deutsche Schachjugend: 48. Deutsche Meisterschaft U20, Endrunde Herborn 1994
- ↑ Jörg Schulz: Magdeburg feiert seinen Weltmeister. JugendSchach Utgaav 2/96, S. 20–21 (Foto un Bericht)
- ↑ Altensteig: Souveräner Sieg von IM Roman Slobodjan. JugendSchach Utgaav 4/95, S. 4–6 (Bericht, Tabell, Foto un Partien)
- ↑ Willy Iclicki: FIDE Golden book 1924-2002. Euroadria, Slovenia, 2002, S. 83