Matthias Wahls
Matthias Wahls (* 25. Januar 1968 in Hamborg[1]) is en düütsch Schachgrootmeester un Pokerspeler.
Leben
[ännern | Bornkood ännern]1985 wurr Wahls düütsch Jöögdmeester.[2] 1988 wurr he vun de FIDE to‘n Internatschonalen Meester[3] nöömt, een Johr later to’n Grootmeester.[4]
Bi den Berliner Sommer 1994 wurr he Tweet achter Hennadij Kusmin, 1995 in Berlin achter Wjatscheslaw Dydyschko ebenfalls Tweet. 1996 (vör Stefan Kindermann) un 1997 (vör Christopher Lutz) wurr he Düütsch Meester.
1998 hett he sück för de FIDE-Weltmeesterschap, qualifizeert, de een Johr later in Las Vegas utdragen wurr. Dor hett he in de eerst Runn den Albaner Altin Cela mit 1½:½ slahn, is aber in de tweet Runn mit 0:2 an den ukrainschen Weltklassespeler Wassyl Iwantschuk scheitert.
In de tweet Hälft vun de 1990er Johren fung he an, Seminare to Schachthemen, vör allen Anspelen, dörtoführen un hett sien Turnieraktivitäten rünnerfohren. Buterdem hett he 1997 de beid Schachböker Modernes Skandinavisch (ISBN 3-932861-00-0) un 2006 (tosommen mit Karsten Müller und Hannes Langrock) Modernes Skandinavisch, Band 2 (ISBN 978-3-935748-13-1) as ok 2004 en Multimediakurs Die besten Eröffnungsfallen (ISBN 3-937549-09-9) herutbrocht.
Siet Juli 2006 is sien Elo-Tall unverännert 2543, wiel he nah de Schachbundsliga 2005/06 kien Elo-wert Turnierpartie mehr speelt hett.[5] Sien hööchste Elo-Tall vun 2609 reck he in’n Januar 1999.[6]
Matthias Wahls hett sück nah sien Schachloopbahn up dat Pokerspiel konzentreert. 2007 hett he tosommen mit Dominik Kofert de mit över 8,7 Millionen Liddmaaten (Stand 2020) weltwiet gröttste Pokerschool grünnd PokerStrategy.com (Sitt in Gibraltar).[7] He hett anstreevt, de Pokervariante Texas Hold’em in Düütschland to verbreeden. Nahdem he disse Tätigkeit eenige Johren maakt harrm wurr in’n November 2011 bericht, Wahls weer „nach einem finanziell erfolgreichen Ausflug ins Pokergeschäft“ nah Süüdspanien trucken.[8]
Natschonalmannschap
[ännern | Bornkood ännern]Mit de düütsch Natschonalmannschap hett Matthias Wahls an de Schacholympiaden 1990 un 1992[9] as ok de Mannschapseuropameesterschap 1989 deelnommen. Bi de Mannschaps-EM 1989 in Haifa reck he mit de Mannschap den darten Platz un in de Eenzelwertung den tweeten Platz an dat fiefte Brett.[10]
Vereens
[ännern | Bornkood ännern]Matthias Wahls harr sien schachlich Wuddels bi den SK Union Eimsbüttel, en Schachklub in Hamborg, mit den he ünner annern in de Saison 1984/85 in de 2. Bundsliga speelt hett[11]. Van 1985 bit 2006 speel he in de 1. Bundsliga bi den Hamburger SK, mit den he ok 1993 un 1995 an‘n European Club Cup deelnommen hett[12].
Weblinks
[ännern | Bornkood ännern]
- FIDE-Koort
- DNB-Katalog
- Partien vun Matthias Wahls up 365Chess.com (engelsch)
- Biographie un Partien bi chessgames.com (engelsch)
Enkeld Nahwiesen
[ännern | Bornkood ännern]- ↑ DSB-Mitgliederdatenbank
- ↑ 39. Deutsche Meisterschaft der Jugend (West), Telgte 1985 up TeleSchach
- ↑ Willy Iclicki: FIDE Golden book 1924-2002. Euroadria, Slovenia, 2002, S. 100.
- ↑ Willy Iclicki: FIDE Golden book 1924-2002. Euroadria, Slovenia, 2002, S. 80.
- ↑ Rating Progress. FIDE, afropen an’n 4. März 2010 (englisch).
- ↑ Elo-Historie bi olimpbase.org (engelsch)
- ↑ Geschichte des Unternehmens pokerstrategy.com up pokerstrategy.com
- ↑ http://www.abendblatt.de/sport/article2105361/Dem-Hamburger-Schachklub-droht-das-Matt.html
- ↑ Matthias Wahls sien Ergevnisse bi Schacholympiaden up olimpbase.org (engelsch)
- ↑ Matthias Wahls sien Ergevnisse bi Mannschapseuropameesterschapen up olimpbase.org (engelsch)
- ↑ Johannes Eising, Gerd Treppner: Schachbundesliga 1984-88, Joachim Beyer Verlag, Hollfeld 1989, ISBN 3-88805-081-2, S. 109.
- ↑ Matthias Wahls sien Ergevnisse bi European Club Cups up olimpbase.org (engelsch)