Robert Laude

Vun Wikipedia
Zur Navigation springen Zur Suche springen

Robert Laude (* 2. Dezember 1896 in Kowalk, Hinnerpommern; † 2. August 1988 in Hamborg) weer en plattdüütschen Wöörbookschriever.

Laude is 1896 in Kowalk in Hinnerpommern as Söhn von en Fleescher boren un dor ok opwussen. He is later as Schoolmeester för de Volksschool utbillt worrn, wat he en Tied ünnerbreken müss, as he Soldaat in’n Eersten Weltkrieg weer. Von 1923 af an hett he denn in Berlin Düütsch, Geschicht, Eerdkunn, Engelsch, Pädagogik un Psychologie studeert un hett 1929 in Griepswoold sien Staatsexamen maakt. He weer denn Referendor, Assesser un Schoolmeester bet 1945 an verscheden Scholen in Berlin, Brannenborg, Slesien un Döringen. 1947/1948 is Laude na Westfalen kamen un weer dor denn bet to sien Pension 1959 Oberstudienrat an dat Märkische Gymnasium in Schwelm. Von 1960 af an hett he in Hamborg leevt. As dat Forschungsinstitut för Düütsche Spraak an de Universität Marburg 1967 de Verdrevenen ut de Oostrebeden opropen hett, dat Institut Infos to jemehr Dialekten totostüren, dor hett ok Laude anfungen, Wöör ut sien pommerschen Dialekt optoschrieven. Dor is mit de Tied en Manuskript von 2800 Sieden mit 54.000 Wöör von worrn. 1981 hett he dat Manuskript an Dieter Stellmacher geven, de dat dörkieken un rutgeven schull. Dat schull aver noch bet 1995 duurn, bet dat sowied weer, dat dat Wöörbook rutgeven warrn kunn. Laude weer wieldes 1988 in Hamborg doodbleven.

Warken[ännern | Bornkood ännern]

  • Hinterpommersches Wörterbuch des Persantegebietes. Böhlau, Köln 1995, ISBN 3-412-05995-1

Weblenken[ännern | Bornkood ännern]