Dieter Stellmacher
Dieter Stellmacher (* 3. Mai 1939) is en düütschen Germanist.
He hett Germanistik, Nedderlandistik un Slavistik an de Universität Leipzig studeert. Dor hett he 1968 denn ok sien Dokter maakt. He dee denn in Finnland an’e Universität Düütsch ünnerrichten un hett 1975 an de Universität Marborg sien Habilitatschoon maakt. He weer toeerst Perfesser an de Universität Gießen un keem 1976 an de Universität Göttingen. 2005 is Stellmacher in Rohstand gahn un den Lehrstohl för Plattdüütsch, den hebbt se nich wedder besett.
Stellmacher is siet 1994 de Vörsitter vun dat Oostfäälsche Institut. Ok bi de Arbeitsstell Neddersassisch Wöörbook is he de Baas. Bi de Freudenthal-Gesellschop is he Ehrenliddmaat. 2007 hett he den Ehrendokter vun de Universität Krasnojarsk kregen.
Warken[ännern | Bornkood ännern]
- Wer spricht Platt? Schuster, Leer 1987, ISBN 3-7963-0250-5
- Niedersächsischer Dialektzensus. Franz Steiner, 1998, ISBN 978-3515066419
- Helmstedt und seine Sprachen. Verlag för Regionalgeschichte, 1999, ISBN 978-3-89534-249-3
- Niederdeutsche Sprache. Weidler, Berlin 2000, ISBN 3-89693-326-4
