Robert Geoffrey Edwards

Robert Geoffrey Edwards (* 29. September 1925 in Leeds, England; † 10. April 2013) weer en britisch Physioloog un Pionier up dat Rebeet vun de Reprodukschoonsmedizin. Tosommen mit den britschen Gynäkologen Patrick Steptoe entwickel Edwards de In-vitro-Fertilisatschoon, woför he 2010 den Nobelpries för Medizin kreeg.

Leven

Robert Edwards − Söhn vun Samuel un Margaret Edwards – deen nah den Besöök vun de Manchester High School während den Tweeten Weltkrieg in de Britisch Armee. Dornah studeer he van 1948 bit 1951 dat Fak Landweertschap an de University of Wales, Bangor un van 1951 bit 1957 dat Fak Genetik an de University of Edinburgh. 1955 hett he sien Doktertitel kreegen.

Bourn Hall Clinic

Unmittelbar nah dat Studium hett he een Johr lang as Research Fellow an dat California Institute of Technology arbeit. 1958 wurr Edwards in England Mitarbeiter in dat National Institute of Medical Research. 1962 wessel he eerst to de University of Glasgow un denn 1963 to de University of Cambridge. 1965 absolveer he en wetenschaplichen Gastupenholt an de Johns Hopkins University un 1966 an de University of North Carolina. Nah sien Torüchkamen lehr Edwards Physiologie an de Universität in Cambridge. Nah en Wetenschapsjohr an de Free University of Brussels kreeg Edwards 1985 in Cambridge en Professur för Reprodukschoonsmedizin, de he bit 1989 harr.

1980 hebbt Robert Edwards un sien Kolleeg Patrick Steptoe in Cambridgeshire de Bourn Hall Clinic grünnt.

Leistungen

All in 1960 hett Edwards dat Tüügen vun en Embryo in en Reagenzglas (In vitro): En Gynäkoloog geev hüm Eizellen un Deelen vun Ovarien för Versöken. Edwards hett eerst versöcht, de Eizellen mit sien Sperma to befruchten un denn wieder to kultiveeren.

Af 1968 hett he mit den Gynäkologen Patrick Steptoe tosamenarbeit.

In de Johren 1972 bit 1974 wurrn eerstmals Embryonen in hör Moder överdragen, aver Swangerschoppen bleven ut. 1976 künnen Edwards un Steptoe to’n eersten mol en Eileiterswangerschop in de Weeg leiden. 1977 klapp de eerste künstliche Befruchtung vun en Fru: An‘ 25. Juli 1978 wurr de Dochter Louise Joy Brown vun hör Moder Lesley Brown dör Kaisersnitt boren. To de Tiet weern noch veer annere Fruen swanger, aver 1979 kunn blots en tweet Baby gesund boren warrn.

Utteknungen

• Order of the British Empire CBE
• 2001: Albert Lasker Award for Clinical Medical Research
• 2010: Nobelpries för Physiologie oder Medizin

Verapenlichungen

• * A Matter of Life. How the first "Test Tube Baby" was Conceived and Born. Gemeensam mit Patrick Steptoe. Morrow, New York 1980.

Weblenken

• Edwards in de Kataloog vun de Düütschen Natschonalbökeree
• Personennaamdatei
• Nahricht över sien Dood (engelsch)