Robert Eric Betzig

Vun Wikipedia
Zur Navigation springen Zur Suche springen

Robert Eric Betzig (* 13. Januar 1960 in Ann Arbor)[1][2] is en US-amerikaansch Physiker. An' 8. Oktober 2014 wurr hüm gemeensam mit Stefan W. Hell un William Esco Moerner de Nobelpries för Chemie tospraaken för de Entwicklung vun superuplösen Fluoreszenzmikroskopie.

Leven[ännern | Bornkood ännern]

Eric Betzig hett in' Juni 1983 sien Bachelor of Science in Physik vun dat California Institute of Technology, in' Januar 1985 den Master of Sciences in Anwennd Physik an de Cornell University un in' August 1988 sien Doktertitel (Ph.D. för anwennd Physik an de Cornell University bi Michael Isaacson maakt. Betzig hett van 1988 bit 1994 in den Bell Laboratories up dat Rebeet vun de optisch Nahfeldmikroskopie arbeit un gellt mit Dieter Pohl as en vun de Begrünner vun de NSOM-Technologie (in Europa SNOM afkört). Sien Forschungen hemm dat Uplösensvermögen bit to een Veertigstel vun de optisch Uplösensgrenz stiegert. Van 1994 bit 1996 weer he as Forscher un Berader dör sien Ünnernehmen NSOM Enterprises tätig. Ansluutend hett he sück för meest teihn Johr nich mehr mit de optisch Forschen befaat un hett in' Maschienbau för de familieneegen Ann Arbor Machine Company (1996–2002) arbeit. He is Inhebber vun New Millennium Research, för de he van 2002 bit 2005 as Forscher un Berader arbeit hett.

Siet Dezember 2005 is Betzig Baas vun en Forschensgrupp an den Janelia Farm Research Campus vun dat Howard Hughes Medical Institute.[3] 2007 kreegen de düütsch Firma Carl Zeiss un Eric Betzig tosommen mit Harald Hess de Exklusivrechte to de Vermarktung vun dat PALM-Verfohren in de Fluoreszenzspektroskopie, dat dat Beobachten vun Zellstrukturen af en Grött vun 20 nm mögelk maakt..[4][5]

Ehrungen[ännern | Bornkood ännern]

1992 kreeg he den William L. McMillan Award[6] un den 1993 den William O. Baker Award for Initiatives in Research.[7] 2010 wurr hüm de Max Delbruck Prize verleeht, he hett aber de Annahme vun den Pries af.[8] 2014 wurr he tosommen mit Stefan Hell un William Esco Moerner mit den Nobelpries för Chemie för de Entwicklung vun superuplösen ("Superresolution") Fluoreszenzmikroskopie uttekent.

Schriften[ännern | Bornkood ännern]

  • mit A. Lewis, A. Harootunian, M. Isaacson, E. Kratschmer: Near Field Scanning Optical Microscopy (NSOM), Biophys. J., Band 49, 1986, S. 269.
  • mit Jay K. Trautman: Near-Field Optics: Microscopy, Spectroscopy, and Surface Modification Beyond the Diffraction Limit, Science, Band 257, 1992, S. 189-195, Abstract
  • mit George H. Patterson, Rachid Sougrat, O. Wolf Lindwasser, Scott Olenych, Juan S. Bonifacino, Michael W. Davidson, Jennifer Lippincott-Schwartz, Harald F. Hess: Imaging Intracellular Fluorescent Proteins at Nanometer Resolution. In: Science. Vol. 313, Nr. 5793, September 2006, S. 1642–1645

Literatur[ännern | Bornkood ännern]

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Eric Betzig. (PDF; 181 kB) Curriculum Vitae, Janelia Farm Research Campus, 2009
  2. Biosketches & Abstracts. Herbert D. Doan Nanotechnology Symposium, Monday, September 21, 2009 (PDF; 77 kB) mit Foto, Siet 3
  3. Howard Hughes Medical Institute names Eric Betzig group leader. In: Obesity, Fitness and Wellness Week. 3. Dezember 2005
  4. Hochauflösende Mikroskopie. Pressemitdeelen vun de Carl Zeiss Gruppe, 29. Juni 2009
  5. Fluoreszenzmikroskopieverfahren ermöglicht Rekordauflösung bei Abbildung von Zellkomponenten. photonic-net, 5. Dezember 2007
  6. Winners of the McMillan Award. up de Websteed vun dat Department of Physics vun de University of Illinois at Urbana-Champaign
  7. NAS Award for Initiatives in Research. nasonline.org
  8. Max Delbruck Prize in Biological Physics. up aps.org (archiveert Version van' 27. November 2010)