Robert Duncan McNeill

Robert Duncan McNeill (* 9. November 1964 in Raleigh, North Carolina) is en US-amerikaanschen Schauspeler, Speelbaas un Filmproduzent. In Düütschland is he vör allen wegen sien Rull as Lt. Tom Paris ut de Feernsehreeg Star Trek: Voyager bekannt.

Leven un Wark[ännern | Bornkood ännern]

McNeill is in Atlanta, de Hööftstadt vun den Bundsstaat Georgia opwossen un hett sien Schauspelerloopbahn mit öörtliche un regionale Filmprodukschonen anfungen. As he de Highschool achter sik harr, is he na New York City togen, üm dor an de bekannten Juilliard School de Schauspeleree un dat Dansen to lehren. Kort later hett he en Gastrull in de Duerreeg All My Children kregen. Bito speel he in verschedene Produkschonen mit. 1986 is he ut de Reeg utstegen un güng denn mit Stephen Sondheim sien Musical Into the Woods op Tour.

En Tiet lang harr he Gastrullen in verschedene Feernsehregen, vördem he denn 1995 bit 2001 en vun de fasten Rullen in de Star-Trek-Reeg Voyager kregen hett. Wiel disse Tiet weer he ok Speelbaas bi de een oder annere Episood vun de Reeg. Achterran harr he ok de Regie bi annere Feernsehregen. He hett jümmer noch Gastrullen annahmen, sik aver vör allen op de Arbeit as Speelbaas kunzentreert. Siet 2007 weer he bi de Feernsehreeg Chuck Speelbaas un ok Produzent.

McNeill is siet 1988 verheiraat un hett dree Kinner.

Filmografie (Utwahl)[ännern | Bornkood ännern]

Johr	Titel	Funkschoon	Synchroonsnacker
1985	Ein Fenster in Manhattan, Feernsehn	Schauspeler
1987	Masters of the Universe	Schauspeler	Charles Rettinghaus
1986-88	All My Children, Feernsehfolgen	Schauspeler
1992-93	Going to Extremes; Feernsehreeg	Schauspeler
1994	One More Mountain, Feernsehn dt.: Der letzte Pass	Schauspeler	Manuel Vaessen
1998	The Battery, Kortfilm	Speelbaas Produzent	—
2000	9mm of Love, Kortfilm	Dreihbook Speelbaas Produzent	—
1995-2001	Star Trek: Voyager, Feernsehreeg dt.: Star Trek: Raumschiff Voyager	Schauspeler Speelbaas	Tom Vogt Erich Räuker
2002	Infested dt.: Eaten alive – Invasion der Killerinsekten	Schauspeler
2001-03	Dawsons Creek, Feernsehfolgen	Speelbaas	—
2001-04	Star Trek: Enterprise, Feernsehfolgen	Speelbaas	—
2004-05	Summerland, Feernsehfolgen dt.: Summerland Beach	Speelbaas	—
2006	The Danny Comden Project, Feernsehn	Speelbaas	—
2007-12	Chuck, Feernsehreeg	Speelbaas Produzent	—
2012-13	666 Park Avenue, Feernsehreeg	Produzent	—
2016	Heartbeat, Feernsehn	Produzent	—
2014-17	Girlfriends’ Guide to Divorce, Feernsehreeg	Speelbaas Produzent	—

Utteken[ännern | Bornkood ännern]

McNeill weer bit hüüt (Stand: Januar 2013) tweemol för sien Arbeiten för Priesen vörslahn. Uttekent weer he mit een dorvun: 1999 is he mit den Short Film Award vun’t New York International Independent Film & Video Festival ehrt worrn för den Film The Battery.