Rikard Nordraak

Vun Wikipedia
Zur Navigation springen Zur Suche springen
Rikard Nordraak

Rikard Nordraak (* 12. Juni 1842 in Christiania; † 20. März 1866 in Berlin) weer en norweegsch Komponist. He hett in dat Öller vun 18 Johr de norweegsch Natschonalhymne Ja, vi elsker dette landet („Ja, wi leevt dit Land“) nah en Gedicht vun Bjørnstjerne Bjørnson komponeert.

Leven[ännern | Bornkood ännern]

Nordraak wurr in de norweegsch Hööftstadt boren, studeer aber in Kopenhagen. Mit 18 Johren truck he nah Berlin un studeer bi Theodor Kullak un Friedrich Kiel. He is mit man blots 23 Johr in Berlin an Tuberkulose storven un wurr up den Karkhoff IV vun de Gemeend Jerusalems- un Nee Kark in Berlin-Kreuzberg begraven. Nordraak weer en Vedder vun Bjørnstjerne Bjørnson un en Früen vun Edvard Grieg, de he mit sien Idee vun en eegenständig norweegsch Musik stark beinfloot hett. To sien Dood hett Grieg en Truermarsch komponeert.

De 40. Doodsdag in dat Johr 1906 weer Anlaat, dat Graff repräsentativer to gestalten. In' Rahmen vun en Festakt hett de middlerwiel gries Bjørnson en fiev Meter hohgen Granitsteen ut Norwegen enthüllt, de up dat Berliner Graff vun Nordraak upstellt wurr.

1925 wurrn de Liek exhumeert un in Oslo up den Vår Frelsers Gravlund, den norweegschen Natschonal-Karkhoff, weer bisett. De prächtige Graffanlaag in Berlin bleev aber erhollen.

In Oslo (dormals Kristiania) wurr vun den Bildhauer Gustav Vigeland 1911 en Statue upricht.

Weblenken[ännern | Bornkood ännern]

Commons-logo.svg Rikard Nordraak. Mehr Biller, Videos oder Audiodateien to’t Thema gifft dat bi Wikimedia Commons.