Reiner Lange

Vun Wikipedia

Reiner Lange (* in Bremen; † 29. Januar 1614 in Stood[1]) weer en düütschen Pädagoog.

Lange is in Bremen boren. He hett sik an’n 9. Juni 1578 an de Universität Marburg inschreven un dor en Magister von de Philosophie maakt.[2] Na 1584 weer he Persepter an dat Gymnasium in Bremen.[1] Von 1586 bet 1587 weer he Kunrekter an de Ole Landsschool in Körbach un hett dat Amt von’n Rekter mit versehn.[3] Von 1588 bet 1594 weer he de eerste Rekter von dat neegrünnte Athenaeum in Stood. 1590 is Lange Sekretär von de Stadt Stood worrn, 1594 Syndikus un 1604 Börgermeester. Noch in de Tied as Syndikus hett he ünner annern en Gesandtschop na Kopenhagen un London anföhrt.[1]

Lange hett 1582 Anna Copius, en Dochter von Bernhard Copius, freet.[3]

Vondaag is en Straat in Stood na em Reiner-Lange-Straat nöömt.

Footnoten[ännern | Bornkood ännern]

  1. a b c Allgemeines Gelehrten-Lexicon. Gleditsch, 1810, Sied 1237
  2. http://brema.suub.uni-bremen.de/periodical/tpage/36800
  3. a b Wolfgang Medding: Korbach: die Geschichte einer deutschen Stadt. W. Bing, 1988, Sied 175