Regiment

Vun Wikipedia

Dat Regiment (vun latiensch regimen, Herrschop, Regeern, Stüür) meent hüdigendags en middelgrote Grupp bi dat Militär.

En Regiment sett sik tohopen ut twee bit veer Bataillonen oder ut allerhand Kompanien. Bi de Kavallerie sünd dat normalerwies 5 Eskadrons (oder Swadronen). Baas vun dat Regiment is tomeist en Oberst. Bi de NATO hett dat Regiment dat taktisch Teken vun dree lootrechte Streken.

Bit 1945 weer dat Regiment de wichtigste middelgrote Verband in dat düütsche Heer. Bi de Bundeswehr weer dat toeerst so, dat dat Regiment bloß bi de Verwalten en Rull speel. De Bataillonen weern unafhängig vun'nanner insett un stünnen direktemang ünner de Brigaad. Bi de Logistikers geev dat avers fudderhen ok Regimenters. Dor höört tein oder mehr Kompanien to en Regiment.

In de Armee vun de Swiez un vun Öösterriek gifft dat hüdigendags keen Regimenter mehr. Dor kaamt denn glieks de Brigaden.

Över dat Regiment steiht avers an un for sik de Brigaad. Denn kümmt de Divischoon. Dat Regiment sett sik tohopen ut verscheden Bataillonen. Dorünner staht denn de Kompanien.

Bi de Luftmacht heet dat Regiment Geswader, just so, as bi de Marine.