Rason

Vun Wikipedia
Dat Eiland Pipasom vör de Küst von Rason
Kasino von Rason

Rason (koreaansch 라선) is en Stadtprovinz an de Küst von de Japaansche See in Noordkorea. De Provinz liggt ganz in’n Noordoosten von Noordkorea un grenzt an de Region Primorje in Russland un an de Provinz Jilin in China. Se hett 145.427 Inwahners (Stand 1. Januar 2005) op en Rebeed von 798 km².

Naam[ännern | Bornkood ännern]

De Naam Rason is en Akronym ut Rajin-Sonbong, wat bet 2000 ok de Naam von de Provinz wesen is. Rajin un Sonbong sünd de twee gröttsten Öörd in de Provinz.

Historie[ännern | Bornkood ännern]

Bet 1993 weren Rajin un Sonbong Deel von de Provinz Noord-Hamgyong. Denn sünd se tohoopleggt un as Direkt regeerte Stadt sülvsstännig worrn. 2004 hett de Regeren von Noordkroea Rason denn aver wedder to en Deel von Noord-Hamgyong maakt. Disse Stand hett bet 2010 wohrt, as Rason den Status Besünnere Stadt kregen hett un wedder sülvsstännig weer.

Weertschop[ännern | Bornkood ännern]

Rason warrt as Haven von China ünnerstütt, denn China hett ans keen Haven an de Japaansche See un för Woren ut’n Noordoosten von China (to’n Bispeel Köhlen) is dat günstiger, de in Rason op’t Schipp to bringen, as jem över Land to transporteren.

Verkehr[ännern | Bornkood ännern]

Rason is de Ennpunkt von de Pyongra-Iesenbahnlien, de na Pjöngjang löppt. In de anner Richt is de Provinz mit en Iesenbahnbrügg över den Tumen mit Russland verbunnen.

Delen[ännern | Bornkood ännern]


Koordinaten:42° 21′ N, 130° 23′ O