Raphael Sbarge

Raphael Sbarge (2013)

Raphael Sbarge (* 12. Februar 1964 in New York City, New York) is en US-amerikaanschen Schauspeler.

Leven un Wark

Sbarge is in en Theaterfamilie opwossen: Sien Mudder weer Kledaaschmakersche, sien Vadder weer Dreihbookschriever, Maler un Speelbaas. Se geven em sien Vörnaam in Anlehnen an den italieenschen Maler Raffael.

Eersten Kuntakt to de Schauspeleree kreeg he al mit veer’nhalf Johren, as he in de Sesame Street (dt.: Sesamstraße) mitmaakt hett. De meiste Tiet hett he aver mit sien Mudder in de Kledaaschgardroov un bi Castings tobröcht, de he mit sien Vadder besöcht hett. Al in junge Johren weer he in verschedene Theaterprodukschonen an’n Broadway to sehn, woneem he mit naamhafte Schauspelers as Jason Robards, Colleen Dewhurst, Faye Dunaway, Gwyneth Paltrow oder Frank Langella optreden is. Na sien Afsluss an de High School füng Sbarge bi Film un Feernsehn an un hett siet de Tiet in tallrieke Produkschonen mitarbeit. He weer dorbi mitünner ok as Speelbaas oder Produzent aktiv.

De Schauspeler is siet August 1994 mit de Filmschauspelersche Lisa Akey verheiraat. Se hebbt tohopen en Dochter (* 2002).

Filmografie (Utwahl)

Johr	Titel	Synchroonsnacker
1983	Abuse
1983	Risky Business dt.: Lockere Geschäfte	Pierre Franckh
1985	My Science Project
1985	My Man Adam dt.: Zwei dufte Kumpel
1986	Better Days, Feernsehreeg
1989	Riding the Edge dt.: Red Fox
1991	Final Verdict, Feernsehn	Frank Schröder
1993	Carnosaur dt.: Carnosaurus
1993	The Hidden II
1996-97	Star Trek: Voyager, Feernsehreeg dt.: Star Trek – Raumschiff Voyager	Gunnar Helm
1999	Message in a Bottle dt.: Message in a Bottle – Der Beginn einer großen Liebe	Klaus-Peter Grap
1999	The Fair
1999	Two-Eleven
2001	Pearl Harbor	Boris Tessmann
2002	Home Room
2001-04	The Guardian, Feernsehreeg dt.: The Guardian – Retter mit Herz	Kai Taschner
2005	Better Days
2008-09	Prison Break, Feernsehreeg	Sven Gerhardt
2009	The Young and the Restless, Feernsehreeg dt.: Schatten der Leidenschaft
2014-16	Murder in the First, Feernsehreeg	Gerald Schaale
2016	The Duel dt.: Das Duell
2011-18	Once Upon a Time, Feernsehreeg dt.: Once Upon a Time – Es war einmal…	Matthias Klie

Utteken

Bit hüüt (Februar 2016) weer Sbarge fiefmol för Priesen vörslahn, vun de he twee wunnen hett:

• 2013: den BTV Award in de Kategorie People’s Choice för dat VideospeelMass Effect 3
• 2014: den Outstanding Achievement Award vun’t LA Web Fest in de Kategorie Best Dokumentatschoonsreeg för On Begley Street

Weblenken

Raphael Sbarge. Mehr Biller, Videos oder Audiodateien to’t Thema gifft dat bi Wikimedia Commons.

• Raphael Sbarge in de Internet Movie Database (engelsch)