Radevormwald
Radevormwald – kört: Rade – hörrt to de öldste Städte in dat Bergisch Land in Noordrhien-Westfalen mit 22.473 Inwahner (Stand: Dezember 2016) up en Flach van 53,86 km². Se is en Middelzentrum in‘n Oberbergischen Kreis. Siet den 24. Juli 2012 drocht Radevormwald offiziell den Titel Stadt auf der Höhe
Olt historsch Hüüs gifft dat dor so goot as nich. En Utnahm is dat 1772 boot Goornhuus in’n Rokokostil, dat den letzten Stadtbrand in dat Johr 1802 överstahn hett. Hüüd befind sück dat in den Stadtpark, de in Anlehnung an de Radevormwalder Partnerstadt Châteaubriant Parc de Châteaubriant nömmt wurrd.
Radevormwald bedüüd „Rodung vor dem Walde“. De öllere Naam Rotha steiht för „Rodung“. De rütt Lichtung up den 400 m hohgen Höhentoog wurr anleggt, um in dat 6. un 7. Johrhunnert en befestigten Oort gegen anstörmen Sassen to booen.
Historie[ännern | Bornkood ännern]
Man nimmt an, dat in dat Johr 1050 de Oort eerstmals in en Oorkunn nömmt wurrn is. In dat 13. Jahrhundert hörr dat Karkspeel Radevormwald as Deel van dat Dekanat Lünsche to dat Arzbisdom Köln.
Tüschen 1309 un 1316 kreeg Radevormwald de Stadtrechte tospraaken.