Río Prinzapolka

Vun Wikipedia
Zur Navigation springen Zur Suche springen
Río Prinzapolka
Laag Nicaragua
Río Prinzapolka
Laag vun Río Prinzapolka in Nicaragua
Stroomsystem Río Prinzapolka
Läng 254 km
Born flütt in Waní ut Río Waní un Río Ulí tohoop
Münn in Prinzapolka in de Karibische See (op 0 m över de See)
Koordinaten Münn:
Koordinaten:13° 25′ N, 83° 34′ W
13° 25′ N, 83° 34′ W
linke Blangenströöm Río Matis, Río Pia, Río Zarao, Río Bambana
rechte Blangenströöm Río Danli, Río Siby, Caño Kiskira, Río Láwira, Río Kuanwatla
schippbor jo
Río Prinzapolka
Brügg in Waní (to düsse Tied mit Schadens dör en Hoogwater)

De Río Prinzapolka oder ok Río Prinzapolca is en 254 Kilometer langen Stroom in de Autonome Region Karibikküst Noord, Nicaragua, de in de Karibische See münnt.

Verloop[ännern | Bornkood ännern]

De Stroom billt sik in Waní (Municipio Siuna) ut Río Waní un Río Ulí. Wieldes de beiden Beken ut de Bargen kaamt, liggt düsse Punkt al ünner 100 Meter över de See. In Waní geiht ok direkt de Straat NIC-5 mit en Brügg över’n Stroom röver. He flütt na Süüdoosten, nimmt von rechts den Río Danli op un von links den Río Matis. In Tadasna löppt de NIC-21B mit en Brügg över’n Río Prinzapolka. Von rechts nimmt he den Río Siby op un billt för en poor Kilometer den Grenz na dat Municipio Mulukukú, bet he för’n Rest von sien Loop op dat Rebeed von dat Municipio Prinzapolka triddt. Von rechts nimmt he dor den Caño Kiskira op. De Río Prinzapolka dreiht denn in en langen Bagen bet he en Noordkurs innimmt. Bi Ebaniso Tasbapuni nimmt he von links den Río Pia op un knickt denn na Oosten af. He flütt vörbi an’n Oort Alamikamba un nimmt von links den Río Zarao un den Río Bambana op.

Kort achter de Münn von’n Río Bambana telgt de Río Walpasiksa as Siedenarm af. De Río Prinzapolka billt den Süüdarm un nimmt denn von rechts den Río Láwira op. Luftlien söss Kilometer vör de Münn deelt sik de Stroom in twee Arms op. De Noordarm is 13 Kilometer lang un de Süüdarm ölven. In’n Süüdarm münnt von rechts de Río Kuanwatla. Een Kilometer vör de See draapt de beiden Arms sik in’n Oort Prinzapolka wedder un münnt denn tohoop in de Karibische See.

In de Region gifft dat kuum Minschen. De Río Prinzapolka weer aver as Waterweg wichtig för de Goldmien in Siuna an’n Río Matis.

Weblenken[ännern | Bornkood ännern]

Commons-logo.svg Río Prinzapolka. Mehr Biller, Videos oder Audiodateien to’t Thema gifft dat bi Wikimedia Commons.