Punch Miller

Vun Wikipedia
Wesseln na: Navigatschoon, Söök

Punch Miller oder ok Kid Punch Miller (eegentlich Ernest Miller, * 10. Juni 1894 in Raceland (Louisiana); † 2. Dezember 1971) weer en Dixieland Jazz-Trompeeter un Singer.

Punch Miller speel to Anfang vun sien Karriere mit Kid Ory in New Orleans, wo he van 1919 bis 1927 arbeit hett, bevör he nah Chicago truck. Dor speel he in verscheeden Bands, as bi Jelly Roll Morton un Tiny Parham un hett an tallriek Plattenupnahmen mitwarkt, so bi Jimmy Blythe, Johnny Dodds, King Oliver, Jimmy Wade un Kid Howard. Dat nahlaatend Interesse an den Traditschonellen Jazz führ dorto, dat he en Tiet lang blots bi Festivals uptreden is un so nah un nah in Vergeetenheit keem.

In de 1960er Johren mit de Dixieland-Revival-Bewegung kreeg he as Liddmaat vun de Preservation Hall Jazz Band weer mehr Upmarksomkeit. He gun nah New Orleans torüch, speel in de Preservation Hall un leit en eegen Band. 1962 entstunn en Album för Atlantic Records, Jazz at Preservation Hall, Vol. 3, up de Miller mit George Lewis, speel. 1963 gung he mit George Lewis up Japan-Tournee. Enn‘ vun de 1960er Johren speel he mit Captain John Handy un mit Jimmy Archey (Reunion). Punch Miller is bit an dat Enn‘ vun sien Leven uptreden, toletzt up dat Newport Jazz Festival.

Miller, de de meest Tiet vun sien Leven in Chicago ansässig weer, weer ok Gegenstand vun en Feernseh-Dokumentatschoon (Til the Butcher Cuts him down).

Diskographisch Henwiesen[ännern | Bornkood ännern]

  • Prelude to the Revival (American Music, 1941)
  • Punch Miller's New Orleans Jazz Band 1957 (504 Records, 1957)

Born[ännern | Bornkood ännern]

Weblenken[ännern | Bornkood ännern]