Puertorikaansche Unafhängigkeitspartei

Flagg vun PIP

De Puertorikaansche Unafhängigkeitspartei ( Up Spaansch: Partido Independentista Puertorriqueño) is ene Partei in Puerto Rico, de sik för de Unafhängigkeit vun dat Land vun de USA insetten deit. Sien Hööftquarteer hett de Partei in San Juan un de Vörsitter is Rubén Berríos Martínez. Se is blangen de twee groten Partein (Ne’e Fortschrittspartei un Demokraatsche Volkspartei) de drüdde Kraft in dat polietsche System vun Puerto Rico. In dat Repräsentantenhuus un in’n Senat sitt je een Afornten vun de Puertorikaansche Unafhängigkeitspartei. Se hett bi de letzten Wahlen 2004 knapp teihn Perzent vun de Stimmen kregen (bi de Listenplätz, bi de Direktkandidaten knapp fief Perzent). De Partei is Deel vun de Sozialistische Internatschonale.

Historie

De Partei is an’n 20. Oktober 1946 vun Gilberto Concepción de Gracia grünnt worrn. Gracia weer untofreden mit de Demokraatsche Volkspartei, de sik för Autonomie un Unafhängigkeit insett harr, aver sik na Gracia sien Verscheel nich dull noog insetten dee.

Weblenken

• Websteed vun de Partei (spaansch, engelsch)