Predella
.jpg)
En Predella is en meest holten flach Sockel, de up den Altardisch, vun de Mensa, in christlichen Karken steiht un den eegentlichen Altarupsatz, dat Retabel, drocht. Af un to harr de kastenaardig baut Predella tosätzlich de Funktschoon vun en Reliquienschrein.
Dat entlehnt Woort bedüüd in dat Italieensche ok ‚Stufe, Träe‘ un geiht woll up en germaansch Woort predel oder pretel in dat Langobaardsche torüch, mit de Bedüüden ‚Holzsockel vun en Möbelstücks ut Breet‘.
Predellen sünd faken mit Gemälden oder Schnitzereen versehn, de gestalterisch un thematisch in Betoog to den Dorstellungen vun dat Altarretabel staht, to de se hören. So kann de in dat Retabel wiest Passionsgeschichte de Graffleggen Christi up de dorünner liggend Predella entspreeken. En verbreedt Motiv is wegen dat breet un leeg Bildformat un de Nähe to’n Altardisch ok dat letzte Abendmahl Jesu mit sien twalf Aposteln. Dör de in’n Ünnerscheed to de Biller vun de Hööfttafeln minner ikonografischen Upgaven un Uplagen is en künstlerischen Gestaltungsfreeheit in’n Rahmen vun de Predella faken mehr Speelruum geven. Eenige Predellen hemm wegen hör besünners bedüütsamen Gestaltung eegen Berühmtheit kreegen.
- Bispelen vun berühmt Predellen
- Duccio di Buoninsegna (1309–1311): Predella vun de Maestà vun dat Hoochaltar in den Dom vun Siena
- Lorenzo Monaco (1407–1409): Predella Leben des hl. Benedikt vun den Altar vun San Benedetto in Florenz[1]
- Matthias Grünewald (1512–1516): Predella Beweinung Christi vun den Isenheimer Altar, in dat Museum Unterlinden
- Luca Signorelli (1519–1522): Predella Ester, und das Leben des hl. Hieronymus vun den Altar vun Arezzo[2]
- Lucas Cranach der Ältere (1540–1547): Predella vun den Reformatschonsaltar in de Stadtkark Wittenbarg
- Otto Dix (1929–1932): Predella Liegende Soldaten vun den Triptychon Der Krieg, Galerie Neue Meister in Dresden
