Posthausen
Dit Woort hett noch annere Bedüden: kiek dorför ünner Posthusen.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 04827 | |
| Vörwahl: | 034292 | |
| Geograafsche Laag: | Koordinaten:51° 21′ N, 12° 36′ O51° 21′ N, 12° 36′ O | |
|
| ||
Posthausen is en lütten Oort in de Gemeen Machern in’n Landkreis Leipzig, Sassen.
Geografie
[ännern | Bornkood ännern]De Oort liggt in de Leipziger Deeplandsbucht. Dat Water ut dat Rebeed flütt över lüttjere Waterlööp na de Parthe hen af.
De Naveröörd sünd Pehritzsch in’n Noorden, Plagwitz in’n Noordoosten, Machern in’n Oosten, Brandis in’n Süden, Beucha un Zweenfurth in’n Süüdwesten, Gerichshain in’n Westen un Cunnersdorf in’n Noordwesten.
Historie
[ännern | Bornkood ännern]Posthausen kummt 1378 as Baschus toeerst in de Oorkunnen vör, weer in disse Tied aver al en wööstfullen Dörp. Eerst 1696 dükert de Oort wedder as besiedelt in de Oorkunnen vör. De Oort warrt nu al Posthausen schreven un is en Schaperee. Later warrt dat denn as Vörwark von dat Riddergood Brandis beschreven.
Verwaltungsgeschicht
[ännern | Bornkood ännern]De Oort hett vör 1816 to dat Amt Leipzig tohöört, von 1816 bet 1843 to dat Amt Grimma un denn bet 1856 wedder to dat Amt Leipzig. Von 1856 bet 1875 weer dat Deel von dat Gerichtsamt Brandis un von 1875 bet 1952 von de Amtshauptmannschaft Grimma (hett von 1939 af an Landkreis Grimma heten). Na 1952 weer dat in’n Kreis Wurzen. 1994 is dat Deel von’n Muldentalkreis worrn un 2008 von’n Landkreis Leipzig.
De Oort is von öllers Deel von de Gemeen Gerichshain ween, de an’n 1. März 1994 Deel von de Gemeen Machern worrn is.
Inwahnertall
[ännern | Bornkood ännern]| Johr | Inwahners |
|---|---|
| 1834[1] | 7 |
| 1871[1] | 34 |
| 1890[1] | 35 |
Religion
[ännern | Bornkood ännern]Posthausen is evangeelsch-luthersch präägt un höört to dat Kaspel von de Kark Gerichshain.
För de Kathoolschen is de St.-Gertrud-Kark in Engelsdorf tostännig.
Weertschop un Infrastruktur
[ännern | Bornkood ännern]För Posthausen is de freewillige Füürwehr Gerichshain mit tostännig.
Verkehr
[ännern | Bornkood ännern]Dicht an Posthausen langs löppt de Staatsstraat 43, de in’n Süden na Waldsteinberg un Naunhof geiht un in’n Noorden in de Bundsstraat 6 münnt. De B 6 föhrt in’n Westen na Leipzig un in’n Oosten över Machern na Wurzen.
De nächste Autobahn is de Autobahn 14 (Afsnidd Leipzig–Dreeeck Nossen). De Opfohrt 26 Naunhof liggt so söss Kilometer in’n Süden von Posthausen an de S 43.
De nächste Bahnhoff is een Kilometer wied weg in’n Westen de Bahnhoff Gerichshain an de Bahnlien Leipzig–Dresden (boot 1837). Düsse Bahnhoff is ok inbunnen in dat Nett von de S-Bahn Middeldüütschland. Von 1838 bet 1998 hett in Posthausen en Göderbahnhoff an düsse Bahnlien bestahn.