Portal:Wikinews/Vun Groothansdörp op’t Oortsschild warrt eerstmal nix

5. Oktober 2007: Vun Groothansdörp op’t Oortsschild warrt eerstmal nix. Helmuth Peets, de Vörsitter vun’n Kreisverband Stormarn vun’n Sleswig-Holsteenschen Heimatbund harr sik för tweesprakige Oortsschiller in’n Kreis Stormarn stark maakt un wull in Groothansdörp ok de Hälft vun dat Geld för teihn ne’e Oortsschiller togeven, 600 Euro. Aver de Gemeen harr ehre 600 Euro nich in’n Huusholt vörsehn un dorvun müss de Gemeenraat dat in’n Nadragshuusholt rinstellen. Aver bi’t Afstimmen keem dat nich dör. De 600 Euro hebbt en Sperrvermerk kregen. De Hööftutschuss mutt dat Thema nu noch wedder behanneln.

De Baas vun de CDU-Frakschoon, Hans-Otto Kagel, hett seggt: Es stellt nach außen hin den Ort nicht als besonders modern dar. Wir sind uns nicht so sicher, ob das nötig ist. Tietgemäßer schull dat woll wesen, see he mit’n Lachen, wenn se op engelsch Big John Village dortoschrieven deen.