Portal:Wikinews/TV-Premiere för Apparatspott

29. Juli 2007: De mehrfach uttekente Science-Fiction-Film Apparatspott - de eerste Science-Fiction-Film kumplett op Platt - kummt nu dat eerste Maal in’t Feernsehn. De lüttje Senner Volksmusik.tv wiest Freedag den 3. August Klock acht avends un Sünnavend den 4. August ok Klock acht den tweten Deel ut de Apparatspott-Reeg: Apparatspott – Gerangel in Ruum un Tied. Sünndag den 5. August löppt namiddags Klock veer dat Making of vun Apparatspott. ’Keen Volksmusik.tv noch nich in sien Kiekschapp inprogrammeert hett, kann op disse Siet de Frequenz nakieken. To kriegen is de Senner digital över den Satellit Astra un in welk Kavel-Netten.