Portal:Wikinews/Supermodel Doutzen Kroes seggt: Snackt mehr Freesch!

22. November 2007: Dat Supermodel Doutzen Kroes, dat in Eastermar in Westfreesland opwussen is, is een vun de ganz Groten in dat Modelgeschäft. 2006 hett se en Verdrag mit L’Oréal ünnerschreven, de vördem blot mit de ganz groten Models Werbung maakt hebbt. Kroes hett sik nu mit dat freesche Institut Afûk tohoopdaan för de Kampagne Praat mar Frysk! (Praat/Snack mehr Freesch!). Kroes seggt: Ik wull de Lüüd wiesen, wo schöön Freesch is, un dat se allen Grund hebbt, op uns Spraak stolt to wesen! Se sülvst leevt in New York, seggt se, man all SMS un so, wat se an ehr Frünnen schrieven deit, sünd op Freesch. As Houkje Rypstra, Politikerin vun ehr Heimatgemeen Tytsjerksteradiel un Jannewietske de Vries, de freesche Minister för Kultur, an ehr rankamen weren, ehr to fragen, wat se de Kampagne ehr Gesicht lehnen wull, do hett se glieks Jo seggt.