Portal:Wikinews/Quickborn-Pries 2008 schall an Jürgen Meier gahn

Vun Wikipedia
Zur Navigation springen Zur Suche springen

21. Februar 2008: De Quickborn-Pries schall dit Johr an Jürgen Meier gahn. Dat hett de Neddersassische Spoorkassen-Stiften bekannt geven, de den Pries tohoop mit’n Quickborn vergifft. De Pries is mit en Priesgeld vun 2000 Euro verbunnen. Kriegen deit Meier, de ut Bremen stammt un an de Hambörger Universität bi dat Plattdüütsche Afdeel arbeidt hett, den Pries för sien Arbeit an dat Hambörger Wöörbook, an dat al siet 1917 arbeidt warrt un dat ünner Meier 2006 trech worrn is. Ok för sien Insatz als Perfesser för Plattdüütsch, de vele junge Lüüd de plattdüütsche Spraak neger bröcht hett, warrt he uttekent. Un toletzt weer he ok Deel vun de Redakschoon vun’n Quickborn un hett de Tietschrift mit präägt.

Meier schall den Pries an’n 31. Mai in’e Hann kriegen.