Portal:Wikinews/Plattdüütsche Week bi’n NDR

3. Oktober 2007: Toern Week, vun’n 7. bet 14. Oktober gifft dat bi’n NDR wedder de Plattdüütsche Week. Anfangen deit de Week Sünndag Klock 12 middags mit de Doku Nur eine kurze Zeit vun Renate Zettel, de veer Maand lang de Speeldeel Wöschenland bi jemehr Proben för dat nächste Stück beobacht hett. Denn gifft dat veer ne’e Folgen vun de Reeg Op Platt mit Julia Westlake un Yared Dibaba, de Plattdüütsche in Süüdafrika, New York, Sydney un Sibirien wiesen doot (Sünndag veerdel vör veer, Dunnersdag veerdel na acht un halvig twölf avends un annern Sünndag wedder veerdel vör veer). Un denn gifft dat ok noch vun Maandag bet Freedag jeden Dag halvig dree en Doku ut de Reeg Billerbook Düütschland op Platt.