Portal:Wikinews/Oostfreesland schall Modellregion för Plattdüütsch in de School warrn

Vun Wikipedia
Zur Navigation springen Zur Suche springen

18. Mai 2009: Vörgüstern an’n Sünnavend hett de Oostfreesch Landschap in Emden (Johannes-a-Lasco-Bibliothek) en Dagfohrt to dat Thema „Mehrsprachiges Ostfriesland - was der Erhalt der plattdeutschen Sprache bringt“ hatt. Thema weer ünner annern Plattdüütsch in de School. Ulf Thiele ut Remels, Generalsekretär von de CDU in Neddersassen hett dorbi seggt, dat plaant is, dat Oostfreesland en Modellregion för Plattdüütsch in de School warrn schall. Thiele seed ok, dat sien egen Kinner ok tweesprakig optrucken warrt.

Wohrschienlich al von 2010 af an dröfft Scholen denn tweesprakigen Ünnerricht op Hooch- un Plattdüütsch anbeden. Cornelia Nath seed dorto, dat een von de wichtigsten Opgaven nu is, de Lüüd to wiesen, dat dat ole Vöroordeel, dat de Plattdüütschen inplant worrn is, dat Vöroordeel, dat Platt in de School för de Kinner nich good is, dat dat nich wohr is un dat Gegendeel stimmt. Dorto weer ok Hans de Haan inlaadt, de Baas von en School in de Provinz Freesland, de de Kinner glieks dree Spraken opmal lehrt, Freesch, Nedderlandsch un Engelsch. De Kinner sünd jüstso good in’e School as Kinner, de blot een Spraak in’n Ünnerricht kennenlehrt, un hebbt faken op dat Spraakflach veel mehr op’n Kassen as anner Kinner.