Portal:Wikinews/Nu ok plattdüütsche Oortsschiller in Bornbarg

24. August 2007: In Bornbarg hebbt se nu ok Oortsschiller opstellt, bi de de plattdüütsche Naam blangen den hoochdüütschen steiht. Bornbarg harr sik lang dor för insett, dat dat Dörp as slatene Oortschop goodkennt warrt. De Bundsstraat 73 geiht merrn dör dat Dörp un över de Straat to kamen weer jümmer en heikle Saak. Dat Dörp harr sogor twee Bushaltestellen för de Schoolkinner, för jede Siet vun de B 73 een, dat keen Kind na de anner Siet vun de Bundsstraat müss. In de vergahn Johren harrn se dat Tempolimit al op 70 un denn op 60 kmh dalsett. Aver jümmer gröne Oortsschiller. Nu hett dat Dörp de gelen Oortsschiller kregen un de Autos dröfft blot noch 50 kmh hart föhren. Bi de Gelegenheit hebbt se glieks den plattdüütschen Naam Bornbarg blangen dat hoochdüütsche Bornberg mit ropnahmen.