Portal:Wikinews/INS will Ümfraag maken, woveel Lüüd Platt snacken doot

8. August 2007: Dat Institut för nedderdüütsche Spraak hett nu bekannt geven, dat se en ne’e Ümfraag starten wüllt,ruttokriegen, woveel Lüüd hüdigendaags noch Platt snacken doot. De aktuellsten Tallen stammt ut de GETAS-Ümfraag vun 1984 (wat dor bi rutkamen is, steiht ok in dat Book Wer spricht Platt?). Disse Ümfraag hebbt se aver blot in de olen Bundslänner maakt. Vun dor her sünd dringend ne’e Tallen nödig. Nüms weet aktuell so recht, woveel Lüüd nableven sünd, de Platt snacken doot. Welk Lüüd snackt vun 10 Millionen un mehr Lüüd, annere denkt, dat sünd blot twee Millionen oder noch weniger. Vun Enn August af an schöölt Lüüd in acht Bundslänner antern, woveel se vun dat Plattdüütsche afkennen doot.