Portal:Wikinews/Hans Gerritsen kriggt den Anfieterpries 2007

16. Dezember 2007: De Groninger Afornte Hans Gerritsen hett dit Johr den Anfieterpries vun de Nei Drèents Geneutschap kregen. De Pries för dat Stütten vun de Streektaal is nu dat drüdde Maal vergeven worrn. Gerritsen hett em för sien Insatz kregen, dat de Spraak in’t Kabinett goodkennt warrt.

Toglieks hett de Geneutschap ok den Zoorholtpries vergeven. Disse Pries geiht an Lüüd oder Institutschonen, de dat verleden Johr gegen de Saak vun de Streektaal gegenan gahn sünd. Kregen hett em de Stichting Lezen Schrijven ut Den Haag, de en Handzedel över Help för Lüüd rutgeven hett, de slecht lesen köönt. Dor weer to lesen, dat veel Lüüd kuum lesen köönt, vun wegen dat se tohuus blot Dialekt snackt.