Portal:Wikinews/Grootfehn schafft plattdüütsche Stratennaams af

8. Dezember 2008: De Gemeen Grootfehn hett nu beslaten, dat se de plattdüütschen Stratennaams in dat Gewerbegebiet Ulbargen afschafft. Timmermannsring, Schoosterstraat, Sniederstraat un Hockereestraat schöölt nu de hoochdüütschen Naams Lanzstraße, Hanomagstraße, Holderstraße un Güldnerstraße kriegen (sünd allens Naams van Landmaschinenherstellers). Dat Argument weer, dat plattdüütsche Naams to swoor sünd. Wenn’n en Hoochdüütschen ut Bayern den Naam an’t Telefon verklickern schall, denn schull de dat nich verstahn. All 30 Raatsmaten van’n Gemeenraat van Grootfehn van CDU, SPD, Linkspartei, Börgerlist un de twee Unafhängigen hebbt tostimmt. De eenzige Opposition keem van De Fresen, de aver nich in’n Raat vertreden sünd. Arno Ramaker van De Fresen see: Veel Lüüd kämpft sied Jahren för dat Wahren van de plattdüütsche Spraak. Ik kenn ans den Weg, dat ole Floor- un Oordsnaams wedder inföhrt warrt - un nu sowat!