Portal:Wikinews/Google deit en ne’en Deenst anbeden: Virtuelle Reis dör de Melkstraat

22. August 2007: Blangen de reine Söökmaschien deit Google noch vele Deensten tosätzlich anbeden. Mit Google Maps to’n Bispeel laat sik Routen planen, mit Google Earth kann een sik de ganze Welt op Satellitenbiller ankieken. Nu gifft dat noch een Deenst mehr. För dat Programm Google Earth gifft dat nu nich blots Biller vun de Eer, man dat is nu ok mööglich en virtuelle Reis dör de Melkstraat un annere Galaxien to maken. De Biller kaamt vun dat Hubble-Teleskoop un annere Steernwachten. Mehr as 100 Millionen Steerns un 200 Millionen Galaxien kann een sik bekieken.

Dat ’n dat ganze Weltall bekieken kann, mutt ’n de ne’este Version vun Google Earth vun de Siet earth.google.de dalladen.