Portal:Wikinews/Dat INS stellt Portal to de Rechtsvörschriften to Plattdüütsch in de School in’t Internett

Dat INS hett nu en Portal to de Rechtsvörschriften to Plattdüütsch in de School in’t Internett stellt. School is Saak vun de Bundslänner. In de acht Bundslänner in de in gröttere Delen Plattdüütsch snackt warrt, gifft dat vele verschedene Vörschriften, Lehrplään un Erläss, de för Plattdüütsch in’e School vun Belang sünd. All disse Regeln sünd nu an een Steed intosehn un köönt vergleken warrn un dat dat ok transparenter warrt, wo good de Länner dat ümsetten doot, wat de Europääsche Sprakencharta för Schuul un Pleeg vun de plattdüütsche Spraak verlangen deit. Een Saak is aver överall gliek: Plattdüütsch is narms en egenstännig Fack, man is jümmer en Deel vun’n Düütsch-Ünnerricht.