Portal:Wikinews/August-Hinrichs-Pries 2008 utschreven

21. Januar 2008: De August-Hinrichs-Stiftung bi de Ollnborgsche Landschop hett nu den August-Hinrichs-Pries för 2008 utschreven. De Pries is för junge Lüüd (bet to en Öller vun 25, ok Gruppen), de wat op Plattdüütsch opstellt hebbt. Dat kann allens wesen, Gedichten, Geschichten, Musik, en Video, Theater, Höörspeel, en Schölerblatt, en Websteed, en Interview oder ok Prosa to regionale Themen. Dat beste Wark warrt mit 500 Euro uttekent. De Insennesluss is de 20. April 2008. Mehr to de Deelnahm: [1]