Portal:Wikinews/Asteroid dichter as de Maand
In de Nacht vun’n 8. op’n 9. November 2011 is de Asteroid mit de Beteken 2005 YU55 bannig dicht an de Eer vörbiflagen. 2005 YU55 harr en lüttsten Afstand vun blots 0,85 mol den Afstand twüschen den Maand un de Eer an de Eer vörbineiht, dat sünd ruchweg 325.000 km. Sien lüttsten Afstand vun’n Maand harr he mit üm un bi 239.000 km an’n Morgen vun’n 9. November.
2005 YU55 tellt to de eerdneegen Asteroiden vun’n Apollo-Tyyp, de jemehr Ümloopbahnen tomeist en so grote Exzentrizität opwiest, dat se de Eerdbahn krüzen künnt. Dordör besteiht de Gefohr, dat inst en Asteroid ok de Eer drapen künn. Ut den Grund warrt disse eerdnegen Asteroiden ok goot överwacht. Dat Maat vör de Gefohr warrt faken op de so nöömten Turiner Skala angeven. För dissen Fall weer de Gefohr mit den Weert 1 angeven, wat keen sünnere Gefohr bedüüt.