Portal:Wikinews/Ünnerricht op Plattdüütsch an de Grundschool Siemswold geiht wieder

Freedag, 13. Juli 2007: De Ünnerricht op Plattdüütsch an de Grundschool Siemswold geiht wieder. De Oostfreesche Landschop hett nu en Verdrag mit de Grundschool ünnerschreven, dor steiht in, dat de Landschop de School ünnerstütten un dat Projekt mit utweerten will. Al vun 2001 bet 2003 geev dat en Projekt, dor hebbt se’n Deel vun den Ünnerricht för een Klass op Platt maakt. Dat weer en Projekt vun de EU, dat de Kinner al fröh mehr Spraken kennenlehrt. Veer Fäcker weren heel op Platt. In dat Schooljohr 2006/2007, dat nu jüst rümgahn is, geev dat denn de twete Runn. Dit Projekt mit de Oostfreesche Landschop schall nu opminnst bet 2010 wiederlopen. Wat bet nu bi dit Projekt rutkamen is, wiest, dat de Ünnerricht op Platt bestimmt keen Schaden för de Kinner is. De Kinners sünd bi dat Hoochdüütsche nich slechter as Kinners ut Klassen ganz op Hoochdüütsch.