Philippe Gilbert

Vun Wikipedia

Philippe Gilbert (* 5. Juli 1982 in Verviers) is en belgisch Radrennfohrer.

Karriere[ännern | Bornkood ännern]

Gilbert is siet 2003 Profi in dat Team La Française des Jeux. All in sein eerst Johr kunn he dat eerste Mal winnen: He wunn de 9. Deelstreck vun de Tour de l’Avenir. 2004 weer he up de darte Deelstreck vun de Tour Down Under ganz vörn un wunn ok Paris-Corrèze.

2005 kunn he de tweet Deelstreck vun de Middelmeer-Rundfohrt winnen un haal ok noch den Gesamtsieg bi de Tour du Haut-Var. Ok up de tweet Deelstreck vun de Veer Daag vun Düünkarken weer he vörn un wunn ok de Trophée des Grimpeurs.

Gilbert nehm 2005 eerstmals an de Tour de France deel. Sien best Platzeeren weer dor bitlang Platz 5 bi de 9. Deelstreck vun de Tour in dat sülvig Johr.

2009 weer en besünners good Saison. Binnerhalv vun blots 10 Daag (8. Oktober bit 17. Oktober) wunn he mit de Coppa Sabatini, Paris–Tours, den Giro del Piemonte un de Lombardei-Rundfohrt veer ansehn Eendagsradrennen, dorünner twee Klassiker.

Den ersten Sieg vun de Saison 2010 för sien Team hett he bi Amstel Gold Race haalt. Dornah keem noch Deelstreckenwinnen bi de Vuelta a España as ok bi de Belgien-Rundfohrt. Ok den Giro del Piemonte un de Lombardei-Rundfohrt kunn he weer up sien Naam schrieven.

2011 wunn he den Piel vun Brabant un he hett sien Sieg bi dat Amstel Gold Race wedderhaalt. Gilbert wunn ebenfalls 2011 as tweet Fohrer överhoopt nah’nanner de dree Ardennen-Fröhjohrsklassiker Amstel Gold Race, La Flèche Wallonne un Lüttich-Bastogne-Lüttich un weer ok up Deelstrecken vun den Algarve Rundfohrt, Tirreno–Adriatico un bi de Monte Paschi Eroica.

Sien woll gröttste Spood in 2012 weer de Sieg bi de Straatenweltmeesterschap.

Wat he schafft hett (Uttoog)[ännern | Bornkood ännern]

2003
2004
2005
2006
2007
2008
2009
2010
2011
2012
2013
2014
2015
2016
2017

Teams[ännern | Bornkood ännern]

Weblenken[ännern | Bornkood ännern]