Philipp Christian Bacmeister

Philipp Christian Bacmeister (* 1734 in Hannover, † 16. August 1799 in Celle) weer en düütschen Verwaltungsbeamten.

Bacmeister is 1734 in Hannover as Söhn von Sara Hedwig Margaretha, borene Bacmeister (20. Juli 1707–Mai 1742), un den Stadtsyndikus Georg Arnold Bacmeister (März 1700–8. Februar 1773) boren un dor an’n 17. März 1734 döfft worrn. De Historiker Johann Vollrath Bacmeister weer sien öllern Broder.

He weer von 1765 bet 1776 Amtsschriever von dat Amt Oosterholt. Von dor is he 1776 as Amtmann in dat Amt Loonborg wesselt. In Loonborg is he bet 1783 bleven.

Bet 1790 weer he denn Amtmann von dat Amt Hitzacker. Von dor keem he as Borgvaagd in de Borgvaagdie Celle. In Celle is he bet to sien Dood 1799 Borgvaagd bleven.

Bacmeister weer verheiraadt mit Dorothea Christina Claren († 18. März 1798). Nadem siene Fro doodbleven is, weer he noch en tweet Maal verheiraadt mit Christina Rosina Sophia Taube (9. Juli 1759–9. Juni 1812). De Eh hett aver nich lang wohrt, denn is Bacmeister sülvs doodbleven.