Peter Sendel

Peter Sendel (* 6. März 1972 in Ilmenau) is en ehmalger düütsch Biathlet.

Siet 1978 weer Peter Sendel in’ Biathlon aktiv. He gull as seker Schütten un wurr dorum faken in Staffelwettbewarfen insett. Bi de Olympisch Winterspelen 1998 in Nagano wunn he gemeensam mit sien Staffelkollegen Ricco Groß, Sven Fischer un Frank Luck de Goldmedaille, ebenfalls mit de Staffel in glieker Besetten reck he de Sülvermedaille bi Olympia 2002 in Salt Lake City. An’ 26. Dezember 2004 hett he unverwacht sien sofortigen Rückträe vun den Leistungssport bekannt geven un all twee Daag later hett he gemeensam mit Katrin Apel bi de World Team Challenge sien letzten Wettkamp bestreeden.

Nah sien aktiv Loopbahn wurr Sendel Biathlontrainer. Siet de Saison 2007/08 is he Trainer vun de Junioren/innen Natschonalmannschap. Sendel is verheiraadt un wahnt mit sien Fru in Erfurt. He hett twee Kinner.

Sendel is Ehrenbörger vun Großbreitenbach un Jüchsen.

Wat he schafft hett

Olympisch Spelen:
- 1998: 1x Gold (Staffel)
- 2002: 1x Sülver (Staffel)

Weltmeesterschapen:
- 1994: 1x Bronze (Mannschap)
- 1996: 1x Silber (Staffel)
- 1997: 1x Gold (Staffel), 1x Sülver (Mannschap)
- 2000: 1x Bronze (Staffel)
- 2003: 1x Gold (Staffel)

Weblenken