Peter Kuhweide

Vun Wikipedia

Peter Kuhweide (Schrieversnaam ok C.G. Hilgenstock; * 16. März 1940 in Wupperdaal) is en plattdüütschen Schriever.

Kuhweide is 1940 as Söhn von den Bankanstellten Ferdinand Kuhweide un de Afthekenhelperin Gertrud, borene Brüning, in Wupperdaal boren. Bet 1943 hett de Familie in Gennebreck an’n Bahnhoff Schee leevt un denn von 1943 bet 1950 an’n Pennekamp bi Hobeuken. Kuhweide is denn von 1950 af an in Hasselkusen opwussen un weer op dat Wilhelm-Dörpfeld-Gymnasium in Elberfeld. 1960 hett he an de Universität Hamborg anfungen to studeren un hett dat Studium 1966 as Diplom-Holtweert afslaten. He weer von 1967 bet 1974 PR- un Warvfachmann in de Informatschoonsstell von de Forst- un Holtweertschop in Düsseldörp un na disse Tied fre’en Schriever un Fachjournalist. 1974 is he na Grasbarg tagen, 1999 na de Lee un 2007 wedder na Grasbarg (Ottersteen).

1978 hett he den Klaus-Groth-Pries wunnen.

He is verheiraadt mit de Schrieversche un Künstlerin Martina Werner.

Warken[ännern | Bornkood ännern]

  • 100 Suorten Greun. Gedichte im westfälischen Dialekt. Peter, Rothenburg ob der Tauber 1976
  • Übersetzungen in eine tote Sprache. Westfälisch-hochdeutsches Elementarbuch. Verlag Atelier im Bauernhaus, Hu’e 1979, ISBN 3-88132-039-3
  • Westfälische Gedichte. Sülvsverlag, Bremen 1979

Höörspelen:

  • De Resthoff. (NDR 23. August 1976, WDR 14.April 1977)
  • Söben Daag Fleesch. (RB, NDR 13. Dezember 1976)
  • Kattendisch. (NDR 27. Februar 1978, WDR 11. Mai 1978)
  • Middelsten Schee. (WDR 1. März 1979)
  • Revanche. (WDR 13. März 1980)
  • Selbstentzündung. (Platt von Ernst Otto Schlöpke; NDR 12. Mai 1980)

Weblenken[ännern | Bornkood ännern]