Peter Del Vecho

Vun Wikipedia
Zur Navigation springen Zur Suche springen

Peter Del Vecho (* 18. April 1966 in Boston, Massachusetts) is en US-amerikaanschen[1] Filmproduzent, Produkschoonsmanager un Synchroonsnacker.

Leven un Wark[ännern | Bornkood ännern]

Del Vecho hett an de Boston University dat Fack Theaterprodukschoon studeert un mit den Bachelor of Fine Arts afslaten. In de Anfangstiet vun sien Loopbahn hett he bi tallrieke Theaters in New York City un an de Oostküst vun de USA arbeit, bit he opletzt an’t Guthrie Theater in Minneapolis weer. Vun dor is he 1995 denn as Associate Producing Director na de Walt Disney Animation Studios wesselt. Den gröttsten Spood harr he bit nu mit den Animaschoonsfilm Frozen ut dat Johr 2013 för den he tosamen mit Chris Buck un Jennifer Lee ’n Reeg vun Priesen kregen hett.

Del Vecho is verheiraat un Vadder vun Tweeschen. He hett en Flegerschien för Lichtflegers un is mit sien egen Ultralichtfleger in un üm Los Angeles ünnerwegens[2].

Filmografie (Utwahl)[ännern | Bornkood ännern]

Johr Titel Funkschoon
1997 Hercules, Animatschoonsfilm Produkschoonsmanager
2002 Treasure Planet
dt.: Der Schatzplanet
Produzent
2005 Chicken Little
dt.: Himmel und Huhn
Produzent
2009 The Princess and the Frog
dt.: Küss den Frosch
Produzent
Synchroonsnacker
2011 Winnie the Pooh
dt.: Winnie Puuh
Produzent
2013 Frozen
dt.: Die Eiskönigin – Völlig unverfroren
Produzent

Utteken[ännern | Bornkood ännern]

Del Vecho weer för sien Filmwark bit hüüt (März 2015) ölven mol för Filmpreisen nomineert. Uttekent weer he bit nu söss mol:

  • 2013: mit den ACCA in de Kategorie Best animeert Speelfilm för Frozen
  • 2014: mit den Oscar in de Kategorie Best Animatschoonsfilm för Frozen
  • 2014: mit den BAFTA Children’s Award in de Kategorie BAFTA Kids Vote – Feature Film för Frozen
  • 2014: mit den PGA Award in de Kategorie Rutragen Produzent vun animeerte Speelfilmen för Frozen
  • 2014: mit den VES Award in de Kategorie Rutragen Animatschoon in en animeerten Speelfilm för Frozen
  • 2014: mit den OFTA Film Award in de Kategorie Best Animatschoonsfilm för Frozen

Weblenken[ännern | Bornkood ännern]

Borns[ännern | Bornkood ännern]

  1. Peter Del Vecho (engelsch)
  2. Planning My Afternoon with Disney’s Peter Del Vecho and Lella Smith (engelsch)

[[Kategorie:USA]