Paul Freiherr von Hodenberg
Paul Hermann Adolph Freiherr von Hodenberg (* 29. Juni 1881 in Köln; † 10. April 1954 op Good Sandbeek) weer en düütschen Politiker.
Von Hodenberg is 1881 in Köln as Söhn von Hermann von Hodenberg un Bertha Gätjens boren. He weer de öllst von de veer Kinner von de beiden, harr aver noch veer Halvgeswister ut de eersten beiden Ehen von sien Vader. De Familie von Hodenberg hett dat Good Sandbeek in Oosterholt-Scharmbeek tohöört.
He weer von 1917 bet 1920 Landraad von’n Landkreis Dramborg.
He is in’n Mai 1933 as Nafolger von Otto Stegemann Landraad von’n Landkreis Oosterholt worrn un dat bet 1934 bleven. Em hett Karl Lampe aflööst. Na siene Tied in Oosterholt weer he bet 1944 de Landraad von’n Landkreis Soltau. Hodenberg is in’n Mai 1937 Maat von de NSDAP worrn.
He hett an’n 27. April 1909 in Charlottenborg Erika Freiin von Plato freet.[1]