Paul Berg
Paul Berg (* 30. Juni 1926 in Brooklyn, New York City; † 15. Februar 2023 in Stanford, Kalifornien) weer en US-amerikaansch Biochemiker un Molekularbioloog. 1980 wurr hüm de Nobelpries för Chemie för sien Bidrääg to de Biochemie vun de Nukleinsüüren un to de Entwicklung vun de DNA-Rekombinatschonsmethoden tospraaken.
Leven
[ännern | Bornkood ännern]Paul Berg wurr 1926 in New York boren un hett bit 1948 an de Pennsylvania State University studeert. 1952 kreeg he sien Doktertitel an de Case Western Reserve University in Ohio. 1959 wurr he Perfesser för Biochemie an de Stanford University in Kalifornien.
Wark
[ännern | Bornkood ännern]Wiels gemeensam mit hüm Frederick Sanger un Walter Gilbert för hör Arbeiten to de Sequenzierung vun de DNA mit den Nobelpries uttekent wurrn, hett sück Berg vör allen mit de Methoden vun de rekombinanten DNA-Technologie befaat. Af 1965 interesseer he sück för de Forschungen vun Roberto Dulbecco to’n Poliomavirus. Wiels en „Sabbatical Year“ in Dulbecco sien Labor 1967/68 entwickel he de Idee, dat en virusvermiddelte Tumorentstahn mit en Integratschoon vun dat Virusgenom in dat Wertszellgenom un de folgenden Expression vun viralen Genen in de Wertszell tosommenhung. He hett sück dorför entslooten, in de nächst Johren SV40 as Modellorganismus för de Tumorforschung un to de Entwicklung vun de later so nöömt rekombinanten DNA-Techniken to bruken.[1] 1972 hett he de Ergevnisse vun en Experiment bekannt maakt, bi dat in sien Labor en so nöömt „Hybdrid-Genom“ ut den Viruschromosom un Plasmid-DNA ertüügt wurr. Dorbi enthull dat Plasmid Deelen vun de DANN vun dat Bakteriophagen Lambda un dree E-Coli-Gene, de för de bakterielle Galaktoseverwertung toständig sünd.[2][3] 1979 hett he de Ergevnisse vun en spoodriek Versöök, mit Hülp vun SV40 dat β-Globin-Gen vun Kanien in Nierenzellen vun Aapen to exprimeeren, bekannt maakt.[4]
Trotz sien persönlichen Spood un Fortschritte bi de DNA-Forschung hett Paul Berg vör de Risiken vun disse Technik wohrschoot un weer hööftverantwortlich för dat 1975 up de Asilomar Conference on Recombinant DNA internatschonal beslooten Moratorium to de Gentechnik, dat över mehrere Johren de Forschung an bestimmten, besünners heiklen Experimenten dör freewilligen Verzicht ünnerbunnen hett[5]
Utteknungen (Utwahl)
[ännern | Bornkood ännern]- 1959: Eli Lilly Award in Biological Chemistry
- 1966: Liddmaat vun de American Academy of Arts and Sciences
- 1966: Liddmaat vun de National Academy of Sciences
- 1966: Fellow der American Association for the Advancement of Science
- 1980: Albert Lasker Award for Basic Medical Research
- 1980: Gairdner Foundation International Award
- 1980: Nobelpries för Chemie
- 1981: Liddmaat vun de Académie des sciences
- 1983: National Medal of Science för Biologie
- 1983: Liddmaat vun de American Philosophical Society
- 1999: Max-Delbrück-Medaille
- 2005: Biotechnology Heritage Award
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ Dissections and Reconstructions of Genes and Chromosomes. Paul Berg, Nobel-Lecture 1980.
- ↑ P. Berg, J. E. Mertz: Personal reflections on the origins and emergence of recombinant DNA technology. In: Genetics. 184(1), Jan 2010, S. 9–17. PMID 20061565.
- ↑ David A. Jackson, Robert H. Symons, Paul Berg: Biochemical Method for Inserting New Genetic Information into DNA of Simian Virus 40: Circular SV40 DNA Molecules Containing Lambda Phage Genes and the Galactose Operon of Escherichia coli. In: Proc Natl Acad Sci U S A. 69(10), Okt 1972, S. 2904–2909. PMID 4342968.
- ↑ R. C. Mulligan, B. H. Howard, P. Berg: Synthesis of rabbit beta-globin in cultured monkey kidney cells following infection with a SV40 beta-globin recombinant genome. In: Nature. 277(5692), 11. Jan 1979, S. 108–114. PMID 215915.
- ↑ Summary Statement of the Asilomar Conference