Paddy Considine
Paddy Considine (börgerlich Patrick; * 5. September 1973 in Burton-upon-Trent, Staffordshire) is en britschen Filmschauspeler.
Leven un Loopbahn
[ännern | Bornkood ännern]Considine is mit mit fief Bröder un Süstern in en goot Huus in Burton-on-Trent opwassen. Na sien Schooltiet hett he an’t Burton College en Hoochschoolkurs för dorstellen Kunst besöcht, bi den he Shane Meadows drapen hett. Mit den tosamen hett Considine de Musikgrupp She Talks to Angels grünnt, in de he Slagtüüch speelt hett. He harr sien Kunstkurs noch nich to Enn, as he an de Brighton University wesselt is, woneem he Fotografie studeert hett. Dor is he mit en Ehren grad erste Klass uttekent worrn.
Na sien Studium arbeit he mit Meadows an en Kortfilm un hett 1999 denn sien eerste Filmrull speelt. Dorna folgen wietere Rullen in deelwies weltbekannte Filmen. Mit den Kortfilm Dog Altogether hett he 2007 sien Debüt as Speelbaas geven. För dissen Film is he bi de Filmfestspelen vun Venedig mit den Sülvernen Boor ehrt worrn.
Paddy Considine is verheiraat un hett een Söhn.
Filmrullen (Utwahl)
[ännern | Bornkood ännern]| Johr | Titel | Funkschoon | Synchroonsnacker |
|---|---|---|---|
| 1999 | A Room for Romeo Brass | Dorsteller | |
| 2000 | Last Resort | Dorsteller | |
| 2001 | Happy Now dt.: Hand in Hand mit dem Tod |
Dorsteller | Peter Flechtner |
| 2002 | Doctor Sleep dt.: Blutmord – Das letzte Kind |
Dorsteller | Thomas Nero Wulff |
| 2002 | Dead Man’s Shoes dt.: Blutrache – Dead Man’ Shoes |
Dorsteller, Dreihbook | |
| 2005 | Cinderella Man dt.: Das Comeback |
Dorsteller | Marcus Off |
| 2005 | Stoned | Dorsteller | |
| 2006 | Bosque de sombras dt.: Backwoods – Die Jagd beginnt |
Dorsteller | Christian Stark |
| 2007 | Dog Altogether, Kortfilm | Dreihbook, Speelbaas | — |
| 2007 | The Bourne Ultimatum dt.: Das Bourne Ultimatum |
Dorsteller | Marcus Off |
| 2009 | The Cry of the Owl dt.: Der Schrei der Eule |
Dorsteller | Marcus Off |
| 2010 | Submarine | Dorsteller | Pascal Breuer |
| 2011 | Blitz dt.: Blitz – Cop Killer vs. Killer Cop |
Dorsteller | Manou Lubowski |
| 2011 | Tyrannosaur dt.: Tyrannosaur – Eine Liebesgeschichte |
Dreihbook, Speelbaas | — |
| 2012 | Now Is Good dt.: Now Is Good – Jeder Moment zählt |
Dorsteller | Marcus Off |
| 2014 | Honour | Dorsteller | |
| 2015 | Macbeth | Dorsteller | Sascha Rotermund |
| 2016 | The Girl with All the Gifts | Dorsteller | Viktor Neumann |
| 2017 | Funny Cow | Dorsteller | |
| 2017 | Journeyman | Dorsteller, Dreihbook, Speelbaas |
Utteken
[ännern | Bornkood ännern]Paddy Considine weer bit hüüt (Stand: November 2011) negenteihn mol för bekannte Filmpriesen vörslahn. Wunnen hett he söss dorvun:
- 2000: den Pries för den Besten Schauspeler vun’t Thessaloniki Film Festival för Last Resort
- 2005: den Empire Award in de Kategorie Best britisch Schauspeler för Dead Man’s Shoes
- 2005: den Evening Standard British Film Award in de Kategorie Best Schauspeler för Dead Man’s Shoes
- 2007: den Sülvern Boor vun de Internationale Filmfestspelen vun Venedig in de Kategorie Best Kortfilm för Dog Altogether
- 2008: den BAFTA Film Award in de Kategorie Best Kortfilm för Dog Altogether
- 2011: den Directing Award vun’t Sundance Film Festival in de Kategorie Weltkino – Dramatisch för Tyrannosaur
Weblenken
[ännern | Bornkood ännern]- Paddy Considine in de Internet Movie Database (engelsch)