Oostenn
| Wapen/Flagg | Koort | |
|---|---|---|
|
|
| |
| Basisdaten | ||
| Inheemsch Naam: | Oostende | |
| ||
| Flach: | 37,7 km² | |
| Inwahners: | 68.898 (1. Juli 2006) | |
| Inwahnerdicht: | 1.827,5 Inwahners pro km² | |
| Hööchd: | 5 m över de See | |
| Postleettall: | 8400 | |
| Vörwahl: | 059 | |
| Geograafsche Laag: | Koordinaten:51° 14′ N, 2° 55′ O51° 14′ N, 2° 55′ O | |
| Grenzen bi OSM: | 1292909 
| |
| Börgermeester: | Jean Vandecasteele | |
| Websteed: | www.commune.oostende.be | |
 | ||
Oostenn (düütsch Ostende, fläämsch Oostende) is en Stadt in Belgien, in de Provinz West-Flannern an de Noordsee. In Oostenn wahnt knapp 70.000 Lüüd up 37,72 km². Dor is Oostenn de gröötste Stadt mit langs de belgisch Küst un een wichtig Zentrum för Tourismus un Weertschop. Dat gifft dor ok een Seehaben un een Flegerhaben. Sünnerlich vun Bedüden is de Fährhaven. Dor geiht dat na England. In Oostenn is ok dat Sommerslott vun den Belgschen König. De Stadt is ok Seebad.
Stadtprofil
[ännern | Bornkood ännern]
Laag
[ännern | Bornkood ännern]De Stadt liggt midden an de belgisch Küst, um un bi 35 km vun de Grenz vun de Nedderlannen af. Bit nah de Grenz vun Frankriek sünd dat ok bloß bi 30 km. Oostenn liggt dune bi dat Water in den Küststreek bi de Dünen. In'n Westen vun den Haben in Oostenn is de Küst meist ganz voll boot. In'n Oosten grenzt de Stadt an de Dünen mank Oostende un De Haan an. Dat weer fröher militäärsch Rebeet. Dorum gifft dat dor keen Hüser un Boowarken up. In verleden Tieden lä Oostenn up dat vörmalig Eiland Testerep vör de fläämsche Küst. Oostenn weer dat Dörp, dat in den Oosten vun düt Eiland lä. Dor kümmt de Naam vun her. An de anner Kant vun dat Eiland lä Westerenn un in de Midden weer Middelkerke.
In dat Zentrum vun Oostenn liggt de historisch Kern vun de Stadt. Dor ümto is een Gördel vun Straten un Hüser ut dat 19. Johrhunnert. Langs de Küst is later ok boot wurrn. Typisch för dat Utsehn vun de Stadt sünd de groten un hogen Hüser mit Wohnungen langs de Küst, de Binnenstadt, de dicht boot wurrn is un dorto grode Anlagen as de See- un Flegerhaben. Oostende hett een groot Inkoopszentrum, wo de Lüde vun wiet her kaamt un allerhand Scholen un Anlagen för Urlaub un Ferien.
Bezirken
[ännern | Bornkood ännern]In Oostende gifft dat acht Bezirken:
- Vuurtorenwijk (Füürtoornwiek)
- Zandvoorde
- Stene
- Conterdam
- Mariakerke
- Raversijde
- Westerkwartier
- Centrum
Verkehr
[ännern | Bornkood ännern]Up Straat kann een slank nah Oostenn henkamen. De Stadt liggt an de Autobahn A 10. Den gifft dat noch den internationalen Flegerhaben un den Seehaben. Babendem liggt de Stadt an den Kanal Gent-Oostenn un is mit Tog un Stratenbahn verbunnen.
Inwahners
[ännern | Bornkood ännern]In dat Jor 2005 weer Oostenn de 21st gröttste Gemeende in Belgien. De Antall vun de Inwahners kladdert een lütt beten, besünners in dat Zentrum. Oostenn is een Stadt, wo de Lüde in'n Dörsnitt jümmers öller weert. Üm un bi een vun veer Inwahners is öller as 65 Johr. Mehr Geboorten gifft dat bloß man in de Randgemeenden. De Tall vun Frömden un Allochtonen in de Stadt is man ring: Dat sünd bloß bi 3%. Un de stammt denn noch meist ut de EU.
Sozial Problemen
[ännern | Bornkood ännern]Oostenn is een Stadt mit een hogen Andeel vun arme Lüde. Dor gifft dat een hoge Arbeitslosigkeit un een groot Deel vun de Arbeitslosen sünd al lang ohn Arbeit. De veerde Deel vun de Arbeitslosen in Oostenn is jung (18-25 Johr). Dat gifft ok allerhand Problemen mit Drogen, man de Ämter vun de Stadt versöökt dor, tohopen mit dat Mediziensch-Sozial-Zentrum aktiev gegenan to gahn.
Politik
[ännern | Bornkood ännern]Vun 1995 af an gifft dat in Oostenn een Koalition vun de Sozialistisch Partei Anders, de SPIRIT un de CDV. Jean Vandecasteele vun de Sozialisten is de sesste Börgermeester vun dat Enn vun den 2. Weltkrieg af an.
