Ollnbörger Schüttenbund

De Ollnbörger Schüttenbund e.V. (OSB) is as Bezirksverband en Dackverband von 185 Schüttenverenen in 16 Kreise un hett üm un bi 24.000 Maten. He is dormit de Bezirk mit de gröttste Tall Maten von de ölven Bezirke in’n Noordwestdüütschen Schüttenbund (NWDSB). Dat Rebeed von’n OSB is dat Ollnbörger Land/de fröhere Verwaltungsbezirk Ollnborg. De Grenzen von de 16 Schüttenkreise stimmt aver nich mit de polietschen Grenzen von de Landkreise övereen. To’n Bispeel gifft dat al in’n Landkreis Ammerland veer Schüttenkreise.

Geschicht

De Vereen hett sik an’n 19. August 1862 grünnt. In’t Leven ropen hett em de Oberst Lehmann, de een Johr nadem sik in Gotha de „Allgemene Düütsche Schüttenbund“ grünnt harr, den eersten Dackverband in dat Groothartogdom Ollnborg grünnt harr. Dor hebbt de Schüttenverenen Jever, Varel, Ollnborg, Brake, Vechte, Westerstäe un Landwörden tohöört. Dat eerste Ollnbörger Bundsscheten hett dat an’n 26. un 27. Juli 1863 in Varel geven.

Sportprogramm

De Vereen hett Meesterschoppen in düsse Kategorien:

• Armbost
• Bagen
• Grootkaliber Pistool un Revolver
• Kleenkalibergewehr
• Kleenkaliberpistool
• Luftgewehr
• Luftpistool
• Vorderlader
• Toonduvenscheten
• Zentraalfüürpistool

Weblenken

• Websteed von’n Schüttenbund (hoochdüütsch)