Olle Gunneriusson

Vun Wikipedia
Zur Navigation springen Zur Suche springen

Olle Gunneriusson (* 26. August 1924; † 26. November 1982) weer en sweedsch Biathlet.

Olle Gunneriusson stamm ut Grenås un sien Vereen weer Hammerdals IF. He weer Scheetsportler un wunn 1957 bi dat Fältskjutning (Feldscheeten) in Yxskaftkälen (Gemeend Strömsund) mit 28 Treffern. In' Winter 1958 wunn he en vun de eersten Biathlonwettbewarven in Alsen mit 84,87 Punkten, ebenso den vun de F 4 Skytteförening veranstalten Wettbewarv, wenig later wurr he Tweet bi de sweedsch Meesterschapen in Sollefteå. Hööchtpunkt vun sien Karriere weer de eerste Biathlon-Weltmeesterschapen 1958 in' Februar in Saalfelden. He wunn gemeensam mit Adolf Wiklund, Sture Ohlin un Sven Nilsson in' domals inoffiziellen Staffelwettbewarv. In' Eenzel seker he sück achter den eersten Weltmeester, sien Landsmann Adolf Wiklund, den Viezweltmeestertitel. 1964 wunn he weer den Titel bi de Sportschütten, as he weer in Alsen bi dat Feldscheeten mit 46 vun 48 mögelk Treffern wunn. Den sweedschen Meestertitel in’ Biathlon seker he sück as 40-Johriger in’ Februar 1965 in Söderhamn. Dornah is he noch bi Seniorenwettbewarven as Biathlet antreeden un wunn 1966 de Distriktsmeesterschap in Kyrkås.

1980 kreeg he dat Ledarstipendum, en mit 8000 Skr doteerten Ehrenpries vun de Gemeend Strömsund för herutragen ehrenamtliche Arbeit.[1] Gunneriusson is 1982 storven.[2]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Ledarstipendiater (sweedsch). Strömsunds Kommun (27. Mai 2010). Afropen an'n 18. August 2010.
  2. Skidskytte Sverige: Svenska OS och VM-medaljörer (sweedsch). www.sporthistoria.se. Afropen an'n 18. August 2010.