Olaf Lies
Olaf Lies (* 8. Mai 1967 in Willemshaven) is en düütsch Politiker (SPD). Siet Januar 2012 is he stellvertreden Landsvörsitter vun sien Partei, nah dem van Mai 2010 bit Januar 2012 Landsvörsitter weer. Todem is he siet Februar 2013 Minister för Wertschap, Arbeit un Verkehr in Neddersassen. Siet 22. November 2017 is he neddersassisch Minister för Umwelt, Energie un Klimaschuul.
Leven un Beroop[ännern | Bornkood ännern]
Olaf Lies hett tonächst de Grundschool, Orienteerensstuuf un de Realschool in Saann in den Landkreis Freesland besöcht. Nah en Utbillen to Funkelektroniker bi dat Marinearsenal Willemshaven hett he sien Grundwehrdeenst bi de Marine afleist. Nah den Besöök vun de Fachböverschool hett he Elektrotechnik an de Fachhoochschool Willemshaven studeert, wat he as Diplom-Ingenieur afslooten hett. Af 1995 weer he wetenschaplich Mitarbeiter an de Fachhoochschool Willemshaven un siet 1996 Personalratsliddmaat as ok later Personalratsvörsitter.
Olaf Lies is verheiraadt un hett twee Döchter.
Politik[ännern | Bornkood ännern]
Olaf Lies is siet Januar 2002 Liddmaat vun de SPD. In' Februar 2002 wurr he Vörsitter vun den SPD-Oortsvereen Saann as ok Liddmaat vun den Gemeenderaat vun Saann. In' Mai 2003 wurr he stellvertreden Vörsitter vun den SPD-Ünnerbezirk Freesland un in' Mai 2005 Ünnerbezirksvörsitter. In' September 2005 folg de Liddmaatschap in den SPD-Bezirksvörstand Werser-Eems. Siet November 2006 is he Liddmaat in' Kreisdag vun den Landkreis Freesland as ok stellvertreden Landraad.
Bi de Landdagswahl in Neddersassen 2008 truck he as direkt wählt Afordneter in den Landdag vun Neddersassen in. He is stellvertreden Fraktschoonsvörsitter un habenpolitisch Spreker.
Siet 2008 weer Lies stellvertreden Landsvörsitter vun de SPD Neddersassen.[1] An' 29. Mai 2010 wurr he vun den Landsparteidag vun de SPD Neddersassen in Stood mit 91,1 Perzent to'n meen Landsvörsitter un Nahfolger vun Garrelt Duin wählt.[2]
An 16. September 2011 geev Olaf Lies bekannt, sück um de Spitzenkandidatur vun de SPD Neddersassen bi de Landdagswahl 2013 to bewarben. Lies hett aber gegen den Herutforderer, den Böverbörgermeester vun Hannober Stephan Weil mit 46,1 Perzent to 53,3 Perzent verloren.[3] Nah den Entscheed vun de Liddmaaten hett Lies sien Posten as Vörsitter to Verfügung stellt. An' 20. Januar 2012 wurr Weil up en besünnern Parteidag in Ollnborg to'n neeen Vörsitter vun de Landes SPD wählt und Lies mit utdrücklich Ünnerstütten vun Weil mit 87,3 Perzent vun de Stimmen to'n stellvertreden Landsvörsitter wählt.[4]
Enkeld Nahwiesen[ännern | Bornkood ännern]
- ↑ Wahlergebnis der Landesvorstandswahl der SPD Niedersachsen am 21. Juni 2008
- ↑ SPD-Landesverband Niedersachsen: Olaf Lies zum neuen SPD-Vorsitzenden in Niedersachsen gewählt
- ↑ http://www.spd-niedersachsen.de/aktuell/nachrichten/2011/348546.php, "Stephan Weil zum SPD-Spitzenkandidaten gewählt", spd.de, van' 27. November 2011, Togreep an den sülvigen Dag
- ↑ Nachfolger von Olaf Lies: Weil neuer Vorsitzender der SPD Niedersachsen, afroopen an' 21. Januar 2012
