Noorddüütsch Honnig- un Wasswark
Dat Noorddüütsche Honnig- un Wasswark (Honnig- un Wassworenfabrik Sonnentau, Gebröder Winkelmann KG) in Visselhöövd hett von 1889 bet 1999 bestahn.
De Fabrik an de Bahnhoffstraat is von Heinrich Winkelmann grünnt worrn. De Botied weer von 1886 bet 1889 un 1889 is de Fabrik denn in Bedriev gahn. Bi de Fabrik stünn en 25 Meter hogen Watertoorn, üm dat Wark mit frisch Water to versorgen.
1930 hebbt Heinz un Eckart Winkelmann de Fabrik von jemehrn Vader övernahmen. Later, na’n Dood von Heinz Winkelmann 1963, hett Eckart sien Söhn Dieter Winkelmann dat Ünnernehmen övernahmen.
Siet 1948 sünd dor ok Honnigbonsche herstellt worrn.
To’n 1. März 1991 is dat Ünnernehmen an de Dr. August Oetker KG verköfft worrn un 1999 hett de Fabrik dichtmaakt.
2001 is dat Gelänn saneert worrn un sietdem is dor ünner annern en Zentrum för Ökolandbo un en Hotel in. In’n Watertoorn gifft dat siet 2003 Utstellungen.
Koordinaten:52° 59′ N, 9° 34′ O